ଡ଼କ୍ଟରେଟ୍ ଉପାଧିରେ ଚାନ୍ଦବାଲି ବିଧାୟକ

ଭୁବନେଶ୍ୱର,(ବାଘୁଆବାର୍ତ୍ତା): ଉତ୍କଳ ବିଶ୍ୱବିଦ୍ୟାଳୟ ୫୦ବର୍ଷ ସମାବର୍ତ୍ତନ ଉତ୍ସବରେ ଚାନ୍ଦବାଲି ବିଧାୟକଙ୍କୁ ଡ଼କ୍ଟରେଟ୍ ଉପାଧି ପ୍ରଦାନ କରାଯାଇଛି । ଉତ୍କଳ ବିଶ୍ୱବିଦ୍ୟାଳୟର ସମାବର୍ତ୍ତନ ଉତ୍ସବରେ କୁଳପତି ଅଧ୍ୟାପକ ସବିତା ଆଚାର୍ଯ୍ୟଙ୍କ ସହିତ ପିଜି କାଉନସିଲ୍ ଚେୟାରମ୍ୟାନ୍ ଅଧ୍ୟାପକ ବସନ୍ତ ମଲ୍ଲିକ୍, ଅଧ୍ୟାପକ ସୁଧାକର ପଣ୍ଡା, ରେଜିଷ୍ଟାର ଅଭୟ କୁମାର ନାୟକ, ପରୀକ୍ଷା ନିୟନ୍ତ୍ରକ ସରତ କୁମାର ମାଝି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଉତ୍ସବରେ ପରୀକ୍ଷାରେ ଉତ୍ତମ ମାର୍କ ରଖି ଉତ୍ତୀର୍ଣ୍ଣ ହୋଇଥିବା ୨୦୧୭ ଠାରୁ ୨୦୧୯ ବର୍ଷର ଛାତ୍ରଛାତ୍ରୀଙ୍କୁ ସ୍ୱର୍ଣ୍ଣ ପଦକ ପ୍ରଦାନ ସହିତ ପିଏଚଡି ଏବଂ ଡି.ଲିଟ ଉପାଧିରେ ପ୍ରଦାନ କରାଯାଇଥିଲା । ଏହି ୫୦ତମ ସମାବର୍ତ୍ତନ ଉତ୍ସବରେ ଚାନ୍ଦବାଲି ବିଧାୟକ ତଥା ବିୱାଇଜେଡ଼ିର ରାଜ୍ୟ ସଭାପତି ଡ଼ ବ୍ୟମୋକେଶ ରାୟଙ୍କୁ ରାଜନୀତି ବିଜ୍ଞାନ ବିଷୟରେ ଡ଼କ୍ଟେରେଟ ଉପାଧିରେ ଭୂଷିତ କରାଯାଇଛି । ଏହି ସମ୍ମାନରେ ସମ୍ମାନିତ ହେବା ପରେ ଖୁସି ବ୍ୟକ୍ତ କରିଛନ୍ତି ଚାନ୍ଦବାଲି ବିଧାୟକ ଡ଼ ରାୟ ।