ମୁମ୍ଵାଇ, (ବାଘୁଆବାର୍ତ୍ତା): ଅନୁଷ୍କା ଶର୍ମା ଏବଂ ବିରାଟ କୋହଲିଙ୍କୁ ଫିଲ୍ମ ଇଣ୍ଡଷ୍ଟ୍ରି ଏବଂ କ୍ରିକେଟ୍ ଜଗତର ଆଇଡଲ କପଲ । ଉଭୟଙ୍କ କେମେଷ୍ଟ୍ରି ଖୁବ୍ ଲୋକପ୍ରିୟ। ଦୁହେଁ ପରସ୍ପର ସହିତ ଏକ ସ୍ପେଶାଲ ବଣ୍ଡିଂ ସେୟାର କରନ୍ତି । ବର୍ତ୍ତମାନ ବିରାଟ କୋହଲି ଇଣ୍ଡିଆନ ପ୍ରିମିୟର ଲିଗରେ ନିଜର ସପ୍ତମ ସେଞ୍ଜୁରୀ ସ୍କୋର କରି ରେକର୍ଡ ସୃଷ୍ଟି କରିଥିଲେ। ସେହି ସମୟରେ ପତ୍ନୀ ଅନୁଷ୍କା ତାଙ୍କ ସ୍ୱାମୀଙ୍କ ବିଜୟରେ ପ୍ରେମ ବର୍ଷା କରିଥିଲେ । ଷ୍ଟାଡିୟମରେ ସ୍ୱାମୀ ବିରାଟଙ୍କୁ ଅନେକ ଫ୍ଲାଇଂ କିସ୍ ଦେଇଥିଲେ। ଏହାର ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି। ଅନୁଷ୍କା ଷ୍ଟାଡିୟମରେ ଉପସ୍ଥିତ ରହି ସ୍ୱାମୀ ବିରାଟଙ୍କୁ ତାଙ୍କର ଅଧିକାଂଶ ମ୍ୟାଚରେ ସମର୍ଥନ କରନ୍ତି। ଏହି ଧାର ବିବାହ ପରେ ନୁହେଁ ପୂର୍ବରୁ ମଧ୍ୟ ଚାଲିଆସୁଛି । ବର୍ତ୍ତମାନ ଯେତେବେଳେ ବିରାଟ କୋହଲି ଆଇପିଏଲରେ ନିଜର ସପ୍ତମ ସେଞ୍ଚୁରୀ କରିଥିଲେ, ଅନୁଷ୍କା ଷ୍ଟାଡିୟମ୍ରେ ଉପସ୍ଥିତ ଥିଲେ। ଏହା ପରେ ଅନୁଷ୍କା ତାଙ୍କୁ ଲଗାତାର ଫ୍ଲାଇଂ କିସ୍ ଦେବାରେ ଲାଗିଥିଲେ । ଅନୁଷ୍କାଙ୍କ ସ୍ୱାମୀ ବିରାଟଙ୍କ ପାଇଁ ଏହି ରୋମାଣ୍ଟିକ ଏବଂ ପ୍ରାଉଡ୍ ମୁହୁର୍ତ୍ତର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। କହିବାକୁ ଗଲେ ୨୦୧୭ରେ ଅନୁଷ୍କା –ବିରାଟ ବିବାହ କରିଥିଲେ । ୨୦୨୧ରେ, ଉଭୟ ଝିଅ ଭାମିକାଙ୍କ ପିତାମାତା ହୋଇଥିଲେ । ବର୍ତ୍ତମାନ ଅନୁଷ୍କା ଏବଂ ବିରାଟ ପିତାମାତା ହେବା ସହିତ ସେମାନଙ୍କ କ୍ୟାରିଅର୍ ଉପରେ ବହୁତ ଧ୍ୟାନ ଦେଉଛନ୍ତି । ଦୀର୍ଘ ବର୍ଷ ପରେ ଅନୁଷ୍କା ଖୁବ୍ ଶୀଘ୍ର ‘ଚକଦା ଏକ୍ସପ୍ରେସ’ ସହ ନଜର ଆସିବେ । ଏହି ବାୟୋପିକ୍ ଚଳଚ୍ଚିତ୍ରରେ ଅନୁଷ୍କା ପୂର୍ବତନ ଭାରତୀୟ କ୍ରିକେଟର ଝୁଲଣ ଗୋସ୍ୱାମୀଙ୍କ ଭୂମିକାରେ ନଜର ଆସିବେ । ଯାହା ଚଳିତ ୨ବର୍ଷ ୨୦୨୩ରେ ରିଲିଜ୍ ହେବ।
ବିରାଟ୍ଙ୍କ ସେଞ୍ଚୁରୀରେ ରୋମାଣ୍ଟିକ୍ ହେଲେ ଅନୁଷ୍କା
