ନୂଆଦିଲ୍ଲୀ, (ବାଘୁଆବାର୍ତ୍ତା): ଆଇଟି କ୍ଷେତ୍ରରେ ସ୍ୱଚ୍ଛତା ଆଣିଥିବାରୁ ଫେସବୁକ୍ ଓ ଗୁଗୁଲ୍ ସଂସ୍ଥାକୁ ପ୍ରଶଂସା କରିଛନ୍ତି କେନ୍ଦ୍ର ସରକାର । କେନ୍ଦ୍ର ସରକାରଙ୍କ ନୂତନ ଆଇଟି ନିୟମ ଲାଗୁ ହେବା ପରେ ଗୁଗୁଲ୍, ଫେସବୁପ୍ ଏବଂ ଇନଷ୍ଟାଗ୍ରାମ ପରି ସୋସିଆଲ ମିଡିଆରୁ ଆପତ୍ତିଜନକ ପୋଷ୍ଟ ହଟାଇ ସ୍ୱଚ୍ଛତା ଆଣିଥିବା ଏକ ବଡ଼ ପଦକ୍ଷେପ ବୋଲି କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦ ପ୍ରକାଶ କରିଛନ୍ତି । ଫେଓବୁକ୍ ୩୦ମିଲିୟନରୁ ଅଧିକ ପୋଷ୍ଟ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିବା ବେଳେ ଇନଷ୍ଟାଗ୍ରାମ ୨ମିଲିୟନ ପୋଷ୍ଟ ହଟାଇଛି । ସେହିପରି ଭାବେ ଗୁଗୁଲ୍ ଓ ୟୂଟ୍ୟୁବ୍ ୫୯ହଜାର ୩୫୦ ଲିଙ୍କ୍ ହଟାଇ ଦେଇଥିବା ଜଣାପଡିଛି । ସୋସିଆଲ ମିଡିଆରୁ ଗୁଗୁଲ୍ ଓ ଫେସବୁକ ଯେଉଁ ସ୍ୱଚ୍ଛତା ଆଣିଛନ୍ତି ତାହା କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦଙ୍କୁ ଭଲ ଲାଗିଥିବା ନେଇ ଟୁଇଟର ମାଧ୍ୟମରେ ସୂଚନା ଦେଇଛନ୍ତି ।
