ଭୁବନେଶ୍ୱର, (ବାଘୁଆବାର୍ତ୍ତା): ଇଓଡବ୍ଲୁ ପଞ୍ଝାରେ ଏକ ବଡ଼ ସାଇବର ଠକେଇ କାରବାର ଧରାପଡ଼ିଛି । ଏହି କାରବାରରେ ୧୪ କୋଟିରୁ ଅଧିକ ଟଙ୍କାର ଠକେଇ ହୋଇଥିବା ସୂଚନା । ଭୁବନେଶ୍ୱରର ଅର୍ଥନୈତିକ ଅପରାଧ ଶାଖା ଦିଲ୍ଲୀ ନଏଡ଼ାସ୍ଥିତ କରଣ ସିଂ କୁମାରକୁ ଗିରଫ କରିଛି । କରଣ କୁମାର ସିଂ ଓ ତାଙ୍କ ଭାଇ ଲାଲୁ ସିଂ ପେ ୱାନ୍ ଡିଜିଟାଲ୍ ସର୍ଭିସ୍ର ଅଧ୍ୟକ୍ଷ । ଏହି କମ୍ପାନୀ ବ୍ୟବସାୟିକ ଭାବେ ଡିଜିଟାଲ୍ ସର୍ଭିସ୍, ଅନ୍ଲାଇନ୍ ପେମେଣ୍ଟ ସର୍ଭିସ୍ ପ୍ରଦାନ କରେ । ଫିଣ୍ଟେକ୍ କମ୍ପାନୀର କ୍ୟୁଆର୍ କୋର୍ଡ ବ୍ୟବହାର କରି ୧୪ କୋଟିରୁ ଅଧିକ ଟଙ୍କା ଟ୍ରାନଜାକ୍ସନ ହୋଇଥିବା ଜଣାପଡ଼ିଛି । ୟୁପିଆଇ ଲଗ୍ ଯାଞ୍ଚ କରବା ପରେ ଜଣାପଡ଼ିଲା ଯେ, କରଣ ସିଂ ଏବଂ ଲାଲୁ ସିଂ ଉଭୟ ପେ ୱାନ୍ ଡିଜିଟାଲ୍ ସର୍ଭିସେସ୍ ପ୍ରାଇଭେଟ୍ର ନିର୍ଦ୍ଦେଶକ । ଲିମିଟେଡ୍ ଅଭିଯୋଗକାରୀ କମ୍ପାନୀ ଦ୍ୱାରା ଉତ୍ପାଦିତ କ୍ୟୁ ଆର୍ କୋର୍ଡଗୁଡ଼ିକୁ ମାନିପୁଲେଟ୍ କରି ଏମାନେ ପାଖାପାଖି ୧୪.୩୩ କୋଟି ଟଙ୍କା କ୍ରେଡିଟ୍ କରିଥିବା ସୂଚନା । ୧୨୫ଟି ବ୍ୟାଙ୍କ୍ ଆକାଉଣ୍ଟ ଏମାନେ ଏହି ଟଙ୍କା ଉଠାଇଥିବା ଜଣାପଡ଼ିଛି । ଏ ମାମଲାରେ ଅନ୍ୟ କେହି ବ୍ୟକ୍ତି ମଧ୍ୟ ସାମିଲ ଥିବା ସନ୍ଦେହ କରୁଛି ଇଓଡ୍ଲ୍ୟୁ । ମାମଲାର ସଠିକ୍ ତଦାରଖ ପାଇଁ ଇଓଡ୍ଲ୍ୟୁ ବରିଷ୍ଠ ତଦନ୍ତକାରୀଙ୍କୁ ନେଇ ମାମଲାର ଯାଞ୍ଚ କରୁଛି ।





