ପାର୍ବଣ ସମୟରେ କଟକଣା ଢିଲା ଦେଲେ ବିପଦକୁ ବରଣ କରିବେ, ସତର୍କ କଲେ ଡିଏମଇଟି ସିବିକେ ମହାନ୍ତି

ଭୁବନେଶ୍ବର, (ବାଘୁଆବାର୍ତ୍ତା): କରୋନା କଟକଣାକୁ ନେଇ ପ୍ରତିକ୍ରିୟା ରଖିଛନ୍ତି ଡିଏମଇଟି ସିବିକେ ମହାନ୍ତି । ସେ କହିଛନ୍ତି ଯେ, ପାର୍ବଣକୁ ଦେଖି କଠୋର କଟକଣା ଆଗରୁ ଆକଳନ କାରାଯାଇଥିଲା । ସେପ୍ଟେମ୍ବର ଓ ଅକ୍ଟୋବର ପାର୍ବଣର ଋତୁ ହୋଇଥିବାରୁ ଏହି ସମୟରେ ଭିଡ ଲାଗିରହେ। ତେଣୁ ସାମାଜିକ ଦୂରତା ରହୁନଥିବା ବେଳେ ମାସ୍କ ବ୍ୟବହାର କମ୍ ଦେଖିବାକୁ ମିଳେ । ଏହାକୁ ନଜରରେ ରଖି କେନ୍ଦ୍ର ସରକାର ୩ ମାସ ପର୍ୟ୍ୟନ୍ତ ଅଧିକ ସଚେତନ ରହିବାକୁ କହିଛନ୍ତି । ଯାହାକୁ ପାର୍ବଣ ସମୟରେ ମାନିବାର ଆବଶ୍ୟକତା ରହିଛି। ଏହାକୁ ଲୋକମାନେ ଢିଲା ଦେଲେ ବିପଦକୁ ବରଣ କରିବେ। ଖାଲି ସେତିକି ନୁହେଁ ସହଯୋଗ ନ କଲେ ଭବିଷ୍ୟତରେ ସଂକ୍ରମଣ ବଢ଼ିବାର କାରଣ ଆମେ ନିଜେ ସାଜିବା । ଲୋକେ ସଚେତନତା ହେଲେ ସଂକ୍ରମଣ ନିୟନ୍ତ୍ରଣ ରହିବ ବୋଲି ଡିଏମଇଟି କହିଛନ୍ତି ।