ସମ୍ୱଲପୁର, (ବାଘୁଆବାର୍ତ୍ତା): ସମ୍ୱଲପୁର ପ୍ରଫେସରଙ୍କ ଘରେ ସିବିଆଇ ରେଡ୍ । ବିଶ୍ଵବିଦ୍ୟାଳୟର ନାକ୍ ମାନ୍ୟତା ଲାଗି ଲାଞ୍ଚ ନେବା ମାମଲାରେ ସିବିଆଇ ପକ୍ଷରୁ ରେଡ୍ ଚାଲିଛି। ପ୍ରଫେସର ବୁଲୁ ମହାରଣାଙ୍କ ବୁର୍ଲା ସରକାରୀ ବାସ ଭବନରେ ଚାଲିଛି ରେଡ। ସିବିଆଇର ଦୁଇଟି ଟିମ ପହଞ୍ଚି କାଗଜପତ୍ର ଯାଞ୍ଚ କରୁଛନ୍ତି। NAAC ରେଟିଙ୍ଗ ପାଇଁ ଲାଞ୍ଚ ମାମଲାରେ ୧୦ ଜଣଙ୍କୁ ଗିରଫ କରିଥିଲା ସିବିଆଇ । ଆନ୍ଧ୍ରପ୍ରଦେଶ ଗୁଣ୍ଟୁର ୱାଦେଶ୍ୱରମ୍ ନାମକ ଶିକ୍ଷାନୁଷ୍ଠାନର ରେଟିଙ୍ଗ ବଢ଼ାଇବା ପାଇଁ ଲାଞ୍ଚ ନେଇଥିବା ଅଭିଯୋଗରେ ଗିରଫ କରିଥିଲା । ନାକ୍ ଟିମରେ ସମ୍ବଲପୁର ବିଶ୍ବବିଦ୍ୟାଳୟର ପ୍ରଫେସର ଡକ୍ଟର ବୁଲୁ ମହାରଣା ରହିଥିଲେ। ଅନ୍ୟପଟେ ଆନ୍ଧ୍ର ଶିକ୍ଷାନୁଷ୍ଠାନର ଅଧିକାରୀ ଓ NAAC ଟିମ୍ ସଦସ୍ୟଙ୍କ ନାମରେ ମାମଲା ରୁଜୁ ହୋଇଛି। ଦେଶର ୨୦ଟି ସ୍ଥାନରେ ରେଡ୍ କରିଛି ସିବିଆଇ।
