ନୂଆଦିଲ୍ଲୀ, (ବାଘୁଆବାର୍ତ୍ତା): ସବୁ କଳ୍ପନା ଜଳ୍ପନାର ଅନ୍ତ ଘଟିଲା । ଶେଷରେ ସୁବୋଧ ଜୈସିୱାଲଙ୍କ ମୁଣ୍ଡରେ ସୁନାକଳସ ଢାଳିଲେ କେନ୍ଦ୍ର ସରକାର । ସିବିଆଇ ମହା ନିର୍ଦ୍ଦେଶକ ଭାବେ ସୁବୋଧ ଜୈସିୱାଲଙ୍କୁ ନୂତନ ନିଯୁକ୍ତ କରାଯାଇଛି । ଜୈସିୱାଲ ଏହି ପଦରେ ୨ବର୍ଷ ପର୍ଯ୍ୟନ୍ତ କାର୍ଯ୍ୟ କରିବେ । ସୂଚନାନୁସାରେ, ସିବିଆଇ ର ମୁଖ୍ୟ କିଏ ହେବା ତାକୁ ନେଇ କଳ୍ପନା ଜଳ୍ପନା ଲାଗି ରହିଥିଲା । ଏହାର ଅନ୍ତ ଘଟିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସିଥିବା ୩ଜଣିଆ କମିଟିରେ ନିଷ୍ପତ୍ତି କ୍ରମେ ଆଇପିଏସ ସୁବୋଧ ଜୈସିୱାଲଙ୍କୁ ନୂତନ ସିବିଆଇ ର ମୁଖ୍ୟ ଭାବେ ନିଯୁକ୍ତି ପାଇଛନ୍ତି । ଜୈସିୱାଲ ସିଆଇଏସଏଫ୍ ର ମୁଖ୍ୟ ଭାବେ କାର୍ଯ୍ୟ କରୁଛନ୍ତି । ଏନେଇ ଆଜି ଭାରତ ସରକାରଙ୍କ ପକ୍ଷରୁ ନୂଆ ନିଯୁକ୍ତ ସଂକ୍ରାନ୍ତରେ ବିଜ୍ଞପ୍ତି ପ୍ରକାଶ ପାଇଛି ।
