ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ କରୋନା ସ୍ଥିତି ଦିନକୁ ଦିନ ଗମ୍ଭୀର ହୋଇ ଚାଲିଛି । ଏଭଳି ପରିସ୍ଥିତିରେ ଜିଲ୍ଲା ପ୍ରଶାସନ ଗୋଟିଏ ପରେ ଗୋଟିଏ ଅଞ୍ଚଳକୁ କଣ୍ଟେନମେଣ୍ଟ ଘୋଷଣା କରୁଛନ୍ତି । ଆଜି ସବୁଠାରୁ ଅଧିକ ସ୍ଥାନକୁ କଣ୍ଟେନମେଣ୍ଟ ଘୋଷଣା କରାଯାଇଛି । ରଣପୁର ତହସିଲ ନମଗାରିଆକୁ ଆଜି ସଂନ୍ଧ୍ୟା ୬ ଘଟିକାରୁ ଅନିଦ୍ଧିଷ୍ଟ କାଳ ପର୍ଯ୍ୟନ୍ତ କଣ୍ଟେନମେଣ୍ଟ କରାଯାଇଛି । ସେହିଭଳି ଭାବେ ନୟାଗଡ଼ ବ୍ଲକ ଗଦାଧର ପ୍ରସାଦ ପଞ୍ଚାୟତ ଶୁକଳଗାଡ଼ିଆ ହରିଜନସାହିକୁ ଆଜି ଦିନ ୧୦ ଘଟିକାରୁ ଅନିଦ୍ଧିଷ୍ଟ କାଳ, ଲେଙ୍କୁଡ଼ିପଡ଼ା ନୂଆସାହି, ଜେମାଦେଇପୁରପାଟଣା ପଞ୍ଚାୟତର ନରସିଂହପ୍ରସାଦ, ସିନ୍ଦୁରିଆ ପଞ୍ଚାୟତର ରତନପୁର, ଲେଙ୍କୁଡ଼ିପଡ଼ା ପଞ୍ଚାୟତ ଧବଳେଇ ବଡ଼ସାହି, କାଳିକାପ୍ରସାଦ ପଞ୍ଚାୟତ ଗମେଇ ଗ୍ରାମ, ନବଘନପୁର ଗ୍ରାମ ପଞ୍ଚାୟତ କାର୍ଯ୍ୟାଳୟଠାରୁ ରାମ ମନ୍ଦିର, ଭାଟସାହି ପଞ୍ଚାୟତ ଡିଆଁପଡ଼ା, ଇଟାମାଟି ସାତଟାଙ୍ଗିପାଟଣାକୁ ମଧ୍ୟ ଆଜି ଦିନ ୧୦ ଘଟିକାରୁ ଅନିଦ୍ଧିଷ୍ଟ କାଳ ପର୍ଯ୍ୟନ୍ତ ନୟାଗଡ଼ ତହସିଲଦାର ଭିକାରୀ ସାହୁ କଣ୍ଟେନମେଣ୍ଟ ଘୋଷଣା କରାଯାଇଛି । ଲୋକମାନଙ୍କ ମଧ୍ୟରେ ସାମାଜିକ ଦୂରତା ରକ୍ଷା କରିବା ପାଇଁ ନିର୍ଦ୍ଦେଶ ଦିଆଯାଇଛି । ଏହି ସମୟ ମଧ୍ୟରେ ସଂପୃକ୍ତ ଅଞ୍ଚଳକୁ ବିଶୋଧନ କରାଯିବ ବୋଲି ଜଣାଯାଇଛି । ମାତ୍ରାଧିକ କରୋନା ଆକ୍ରାନ୍ତ ଚିହ୍ନଟ ହୋଇଥିବାରୁ ଏଭଳି ନିର୍ଦ୍ଦେଶ ଜାରି କରାଯାଇଛି ।
