ନୟାଗଡ଼, (ବାଘୁଆବାର୍ତ୍ତା): କୋଭିଡ ଯୋଦ୍ଧା ଶ୍ରୀଧର ସ୍ୱାଇଁଙ୍କ ଆଜି ଅପରାହ୍ନରେ ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲରେ ପରଲୋକ ଘଟିଛି l ସ୍ବର୍ଗତ ସ୍ୱାଇଁ ନୟାଗଡ ଜିଲ୍ଲାରେ ଆଶା ପରିଚାଳକ ଭାବେ କାର୍ଯ୍ୟ କରୁଥିବା ବେଳେ କିଛି ଦିନ ତଳେ ତାଙ୍କର କନ୍ଧମାଳ ଜିଲ୍ଲା ବଦଳି ହୋଇଥିଲା l ତାଙ୍କ ଘର ନୟାଗଡ଼ ନିକଟବର୍ତ୍ତୀ କଇଥଗାଡ଼ିଆ ଗ୍ରାମ ହୋଇ ଥିବା ବେଳେ ସେ ଖୁବ ଅମୟିକ, ମେଳାପୀ ତଥା କର୍ତ୍ତବ୍ୟ ପରାୟଣ ବ୍ୟକ୍ତି ଭାବେ ସମଗ୍ର ନୟାଗଡ଼ ଅଞ୍ଚଳରେ ଜଣାଶୁଣା ଥିଲେ l ତାଙ୍କର ଅକାଳ ମୃତ୍ୟୁରେ ସମଗ୍ର ଜିଲ୍ଲାରେ ଶୋକର ଛାୟା ଖେଳି ଯାଇଥିବା ବେଳେ ଆସନ୍ତା କାଲି ତାଙ୍କୁ ନୟାଗଡ ଜିଲ୍ଲା ପ୍ରଶାସନ ପକ୍ଷରୁ ଗାର୍ଡ ଅଫ ଅନର ଦିଆଯିବ ବୋଲି ସୂଚନା ମିଳିଛି l
