କରୋନା ଅସମ୍ଭାଳ, ଆସନ୍ତାକାଲି ରେକର୍ଡ଼ ଭାଙ୍ଗିବ, ୬୦ ପାର ହେବାର ସମ୍ଭାବନା

ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲାରେ କାୟା ମେଲାଇ ଚାଲିଥିବା କରୋନା ଆକ୍ରାନ୍ତ ସଂଖ୍ୟା ଆସନ୍ତାକାଲି ରେକର୍ଡ଼ ଭାଙ୍ଗିବ ବୋଲି ସୁତ୍ରରୁ ଜଣାଯାଇଛି । ଜିଲ୍ଲାରେ ଆଜି ସୁଦ୍ଧା ମୋଟ ଆକ୍ରାନ୍ତ ସଂଖ୍ୟା ୩୫୪ ଥିବା ବେଳେ ଏହା ଆସନ୍ତାକାଲି ୪ ଶତକ ପାର ହେବା କିମ୍ବା ନିକଟତ୍ତର ହେବାର ସମ୍ଭାବନା ରହିଛି । ବାଘୁଆବାର୍ତ୍ତାର ଅନୁସନ୍ଧାନ ଅନୁସାରେ, ଭାପୁର ବ୍ଲକରୁ ୪ଟି ମାମଲା ସଂଗରୋଧରୁ ଏବଂ ଅନ୍ୟ ଗୋଟିଏ ମାମଲା ସ୍ଥାନୀୟ ଚିହ୍ନଟ ହେବାର ସମ୍ଭାବନା ରହିଛି । ସେହିଭଳି ନୟାଗଡ଼ ପୈାରଞ୍ଚଳରୁ ୩ଟି ଆକ୍ରାନ୍ତ ଚିହ୍ନଟ ହେବାକୁ ଥିବା ବେଳେ ବ୍ଲକ ଅଂଚଳରୁ ୮ଟି ମାମଲା ଚିହ୍ନଟ ହେବ ବୋଲି ଅନୁମାନ କରାଯାଉଛି । ସେହିଭଳି ଖଣ୍ଡପଡ଼ା ବ୍ଲକର ଗୋଟିଏ ପଂଚାୟତରୁ ୩୦ ଜଣ ଆକ୍ରାନ୍ତ ଚିହ୍ନଟ ହେବାର ସମ୍ଭାବନା ରହିଥିବା ବେଳେ ମୋଟ ବ୍ଲକ ଅଂଚଳରୁ ୩୯ ଜଣ ଆକ୍ରାନ୍ତ ଚିହ୍ନଟ ହେବାର ରହିଛି । ଏଥିସହିତ ଅନ୍ୟାନ ବ୍ଲକରୁ ମଧ୍ୟ ଆକ୍ରାନ୍ତ ଚିହ୍ନଟ ହେବାର ସମ୍ଭାବନା ରହିଛି । ଯାହାକୁ ଅନୁମାନ କଲେ ଜିଲ୍ଲାରେ ପୂର୍ବରୁ ଚିହ୍ନଟ ହୋଇଥିବା ସର୍ବଧିବ ଦୈନିକ ଆକ୍ରାନ୍ତ ସଂଖ୍ୟା ୩୭କୁ ପାର ହୋଇ ଅର୍ଦ୍ଧ ଶତକ ଛୁଇଁ ରେକର୍ଡ଼ ଭାଙ୍ଗିବ ।