ଓଡ଼ଗାଁ, (ବାଘୁଆବାର୍ତ୍ତା) : ରୋହିବାଙ୍କ ପଂଚାୟତ ଅଂଚଳର ବିଭିନ୍ନ ଗାଁ ମାନଙ୍କରେ ରୋହିବାଙ୍କ ଓ ବାଘୁଆ ଗେଟ୍ ଗାଁ କଲ୍ୟାଣ ସମିତିର ମିଳିତ ସହଯୋଗରେ ଏକ କରୋନା ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଗ୍ରାମ ସଭାପତି ହରେକୃଷ୍ଣ ପ୍ରଧାନ, ସରପଂଚ ମୁରଲୀଧର ପ୍ରଧାନ, ସମିତି ସଭ୍ୟ ଦିଲେଶ୍ୱର ପାତ୍ରଙ୍କ ତତ୍ୱାବଧାନରେ କାର୍ଯ୍ୟକ୍ରମ ପରିଚାଳିତ ହୋଇଥିଲା । ଗାଁ କଲ୍ୟାଣ ସମିତି, ସ୍ୱୟଂ ସହାୟକ ଗୋଷ୍ଠୀର ସଭ୍ୟାମାନେ ଏବଂ ଡଃ ରାକେଶ କୁମାର ସାହୁ, ସୁପରଭାଇଜର ସୁରେନ୍ଦ୍ର ନାୟକ, ସାଧନ କେନ୍ଦ୍ର ସଂଯୋଜକ ରଞ୍ଜନ କୁମାର ଦାଶ ଓ ଅନ୍ୟମାନେ ହାତରେ ପ୍ଳାଗକାର୍ଡ ଧରି ଅଜଥାରେ ବାହାରେ ନବୁଲି ଘରେ ରହିବା, ମୁହଁରେ ମାସ୍କ ବାନ୍ଧି ବାହାରକୁଯିବା, ସାବୁନରେ ବାରମ୍ବାର ହାତ ଧୋଇବା, ବୟଷ୍କ ମାନଙ୍କୁ ବାହାରକୁ ନଛାଡିବାପରି ବିଭିନ୍ନ ଶ୍ଲୋଗାନ ଦେଇ ରୋହିବାଙ୍କ ପଂଚାୟତର ସାହିମାନଙ୍କରେ ବୁଲି ସାଧାରଣ ଜନତାଙ୍କୁ କରୋନା ସଂକ୍ରମଣରୁ କିପରି ଦୁରେଇ ରହିବେ ସେନେଇ ସଚେତନ କରାଇଥିଲେ । ଅନ୍ୟମାନଙ୍କ ମଧ୍ୟରେ ଓଡ଼ଗାଁ ଆଦର୍ଶ ଥାନା ଏସଆଇ ସ୍ନେହଲତା ପ୍ରଧାନ, ଯୁଗଳ ନାୟକ, ଅଙ୍ଗନଓାଡି କର୍ମି ଏହି କାର୍ଯ୍ୟକ୍ରମରେ ସକ୍ରିୟ ସହଯୋଗ କରିଥିଲେ ।
