ରାଜ୍ୟରେ ରେକର୍ଡ଼ ଭାଙ୍ଗିଲା କରୋନା, ନୟାଗଡ଼ରେ ଦେଢ଼ଶହରୁ ଉର୍ଦ୍ଧ୍ୱ ଆକ୍ରାନ୍ତ

ଭୂବନେଶ୍ୱର,(ବାଘୁଆବାର୍ତ୍ତା ବ୍ୟୁରୋ): ଓଡ଼ିଶାରେ କରୋନା ଆକ୍ରାନ୍ତ ସଂଖ୍ୟା ଭୟାବହ ଭାବେ ବଢ଼ି ଚାଲିଛି । ରାଜ୍ୟରେ ନୂଆ ୩୩୭୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ଏହା ରେକର୍ଡ଼ ସଂଖ୍ୟକ ବୋଲି ଜଣାଯାଇଛି । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୮୭୬୦୨ ରେ ପଂହଚିଛି । ସେଥିମଧ୍ୟରେ ୨୦୫୩ ଜଣ ସଂଗରୋଧ କେନ୍ଦ୍ରରେ ରହିଥିବା ବେଳେ ୧୩୧୮ ଟି ବାହ୍ୟ ପଜେଟିଭ ବୋଲି ସୂଚନା ମିଳିଛି । ସେଥିମଧ୍ୟରେ ଅନୁଗୁଳ ୬୩, ବାଲେଶ୍ୱର ୯୮, ବରଗଡ଼ ୯୮, ଭଦ୍ରକ ୧୧୪, ବଲାଙ୍ଗିର ୭୬, ବୈାଦ୍ଦ ୪, କଟକ ୩୫୭, ଦେବଗଡ଼ ୮, ଢେଙ୍କାନାଳ ୬୭, ଗଂଜାମ ୧୯୬, ଗଜପତି ୪୧, ଜଗତସିଂହପୁର ୯୫, ଯାଜପୁର ୧୭୩, ଝାରସୁଗୁଡ଼ା ୯୩, କଳାହାଣ୍ଡି ୨୮, କନ୍ଧମାଳ ୪୧, କେନ୍ଦ୍ରାପଡ଼ା ୭୬, କେନ୍ଦୁଝର ୭୪, ଖୋର୍ଦ୍ଧା ୫୪୭, କୋରାପୁଟ ୯୧, ମାଲକାନଗିରି ୧୩୪, ମୟୁରଭଂଜ ୯୨, ନବରଂଗପୁର ୬୫, ନୟାଗଡ଼ ୧୭୧, ନୂଆପଡ଼ା ୧୫, ପୁରୀ ୧୪୪, ରାୟଗଡ଼ା ୧୪୬, ସମ୍ବଲପୁର ୧୦୭, ସୋନପୁର ୩, ସୁନ୍ଦରଗଡ଼ ୧୫୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ମୋଟ ଆକ୍ରାନ୍ତଙ୍କ ମଧ୍ୟରୁ ୨୭୬୩୮ ଟି ମାମଲା ସକ୍ରିୟ ରହିଥିବା ୫୯୪୭୦ ଜଣ ସୁସ୍ଥ ହୋଇଥିବା ଜଣାଯାଇଛି ।