ନୟାଗଡ଼, (ବାଘୁଆବାର୍ତ୍ତା): ରାଜ୍ୟ ସରକାରଙ୍କ ନିର୍ଦ୍ଦେଶ ଆସିବା ପରେ ନୟାଗଡ଼ ଜିଲ୍ଲା ପ୍ରଶାସନ ଜୁଲାଇ ମାସ ଭଳି ମାସ ଭଳି ଅଗଷ୍ଟ ମାସର ଶନିବାର ଓ ରବିବାର ସଟ୍ଡାଉନ୍ ରହିବ ବୋଲି ନିଷ୍ପତ୍ତି ନେଇଥିବା ବେଳେ ଦୋକାନ ବଜାର ଖୋଲିବା ସମୟ ମଧ୍ୟ ଅପରିବର୍ତ୍ତିତ ରଖିଛନ୍ତି । ସକାଳ ୭ ଘଟିକାରୁ ଦିନ ୨ ଘଟିକା ପର୍ଯ୍ୟନ୍ତ ସାରା ଜିଲ୍ଲାରେ ଦୋକାନ ବଜାର ଖୋଲା ରହିବ ବୋଲି ଜଣାଯାଇଛି । ଦୋକାନ ବଜାରରେ ସାମାଜିକ ଦୂରତା ନମାନିଲେ ବଡ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ସୂଚନା ମିଳିଛି । ବ୍ୟବାସାୟୀ ନିୟମଭଙ୍ଗ କଲେ ୧୦ ହଜାର ଜୋରିମାନା ଭରିବେ ବୋଲି ଜଣାଯାଇଛି । ସେହିଭଳି ଭାବେ ସ୍ପା, ସେଲୁନ, ପାର୍ଲର ନିୟମମାନି କାମ କରିବାକୁ କୁହାଯାଇଛି । ୫୦ଜଣଙ୍କୁ ନେଇ ବାହାଘର କରାଯିବା ସହ ଗହଳି ନକରିବାକୁ ପରାମର୍ଶ ଦିଆଯାଇଛି । ଜିଲ୍ଲାରେ ରାଜ୍ୟ ସରକାରଙ୍କ ନିର୍ଦ୍ଦେଶରେ ରାତ୍ରୀ କାଳୀନ କର୍ଫ୍ୟୁ ବଳବତ୍ତର ରହିବ । ମାସ୍କ ପିନ୍ଧିବା ବାଧ୍ୟତା ମୂଳକ ହୋଇଥିବା ବେଳେ ନପିନ୍ଧିଲେ ମୋଟା ଅଙ୍କର ଜୋରିମାନା ଭରିବାକୁ ପଡ଼ିବ ବୋଲି ଜଣାଯାଇଛି ।
ଅଗଷ୍ଟ କଡ଼ା କଟକଣା, ଶନିବାର ଓ ରବିବାର ବନ୍ଦ
