ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ ଆଜି ସୁଦ୍ଧା ୧୦ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ କରୋନା ଆକ୍ରାନ୍ତ ଅନ୍ୟ ରୋଗରେ ମୃତ୍ୟୁ ବରଣ କରିଥିବା ଜଣାଯାଇଛି । ଏଭଳି ସ୍ଥତିରେ ଗତକାଲି ଜଣେ ଜନ ପ୍ରତିନିଧିଙ୍କ କରୋନା କାରଣରୁ ମୃତ୍ୟୁ ଘଟିଥିବା ଜଣାଯାଇଛି । ଏନେଇ ସରକାରୀ ସ୍ତରରେ କିଛି ସୂଚନା ଆସିନଥିବା ବେଳେ ଘଟଣା କିନ୍ତୁ ସତ ବୋଲି ଜଣାଯାଇଛି । ଏହି ଜନପ୍ରତିନିଧିଙ୍କ ସୁନା ମୁଦି ଏବଂ ମୋବାଇଲକୁ ହସ୍ପିଟାଲରେ କେହି ହରମଚାଲ କରିଥିବା ନେଇ ଆଜି ନୟାଗଡ଼ ଜିଲ୍ଲାରେ ଚର୍ଚ୍ଚା ଜୋର ଧରିଛି । କିଭଳି ଏବଂ କେଉଁ ପରିସ୍ଥିତିରେ କରୋନା ମୃତକଙ୍କ ମୋବାଇଲ ଏବଂ ସୁନାମୁଦି ଲୁଟ ହେଲା ତାକୁ ନେଇ କଳ୍ପନା ଜଳ୍ପନା ପ୍ରକାଶ ପାଇଛି ।
