ନୟାଗଡ଼,(ବାଘୁଆବାର୍ତ୍ତା): ନୟାଗଡର ବରିଷ୍ଠ ଆଇନଜୀବି ସୁକାନ୍ତ ଛୋଟରାୟଙ୍କ ଆଜି ମୃତ୍ୟୁ ହୋଇ ଯାଇଛି । ଗତ ୨ ସପ୍ତାହ ଧରି ଚାନ୍ଦପୁର କୋଭିଡ ହସ୍ପିଟାଲ ଏବଂ ସଂକଟପନ୍ନ ହେବାରୁ ସମ ହସ୍ପିଟାଲକୁ ସ୍ଥାନାନ୍ତରିତ ହୋଇଥିଲେ । ତାଙ୍କ ମୃତ୍ୟୁରେ ନୟାଗଡ ଜିଲ୍ଲା ଜଣେ ସୁନାମଧନ୍ୟ ଆଇନଜୀବିଙ୍କୁ ହରାଇଲା ବୋଲି ଆୟୋଜିତ ଶୋକସଭାରେ ମତପ୍ରକାଶ ପାଇଥିଲା । ଜିଲ୍ଲା ଓକିଲ ସଂଘ ଦ୍ୱାରା ଆୟୋଜିତ ଶୋକସଭାରେ ସଭାପତି ବିପିନ ଧଳ ସମ୍ପାଦକ କାଳୁଚରଣ ସ୍ୱାଇଁ ପୂର୍ବତନ ସଭାପତି ରଣଜିତ ଦାଶ, ପ୍ରସନ୍ନ ରଥ, ବରିଷ୍ଠ ଆଇନଜୀବି ବିରଞ୍ଚି ଦାଶ, ପ୍ରଣବ ବିଶୋଇ ପ୍ରମୁଖଙ୍କ ସମେତ ବହୁ ଆଇନଜୀବି ଦିବଂଗତ ଆତ୍ମାର ସଦଗତି କାମନା କରି ନିରବ ପ୍ରାର୍ଥନା କରିଥିଲେ । କୋର୍ଟର ଜରୁରୀ କାର୍ୟ୍ୟ ବନ୍ଦ ରହିଥିଲା । ଭୁବନେଶ୍ୱର ସତ୍ୟନଗର ସ୍ମଶାନ ଠାରେ ଶେଷକୃତ୍ୟ ସମ୍ପନ୍ନ ହୋଇଛି । ସ୍ବର୍ଗତ ଛୋଟରାୟଙ୍କ ଦୁଇପୁଅ ଅଛନ୍ତି ।
