ନୟାଗଡ଼, (ବାଘୁଆବାର୍ତ୍ତା): ଗଣିଆ ପାଟଣାସାହିର ବରିଷ୍ଠ ଶିକ୍ଷାବିତ୍, ଆୟୁବେର୍ଦିକ ଚିକିତ୍ସକ ତଥା ରାମଲୀଳାର ବରିଷ୍ଠ କଳାକାର ଉପେନ୍ଦ୍ର ନାଥ ସାହୁଙ୍କ ପରଲୋକ ଘଟିଛି । ସେ କରୋନାରେ ଆକ୍ରାନ୍ତ ହେବା ପରେ କିମ୍ସ ମେଡିକାଲରେ ଚିକିତ୍ସିତ ହେଉଥିଲେ । ତାଙ୍କର ଦୁଇ ଦିନ ହେବ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିବାରୁ ସେ ଆଇସିୟୁରେ ଥିଲେ । ବୁଧବାର ଦି ପହର ସମୟରେ ତାଙ୍କର ମୃତ୍ୟୁ ଘଟିଛି । ତାଙ୍କର ମର ଶରୀରକୁ ସତ୍ୟନଗର ମଶାଣୀରେ ଅନ୍ତିମ ସଂସ୍କାର କରାଯିବ ବୋଲି ଜଣାପଡିଛି । ସେ ଜଣେ ପରୋପକାରୀ, କର୍ତ୍ତବ୍ୟନିଷ୍ଠ ଓ ଦରଦୀ ମଣିଷ ଥିଲେ । ପେଟ ସମସ୍ୟା ଠାରୁ ଆରମ୍ଭ କରି ମହିଳା ଓ ଶିଶୁ ମାନଙ୍କର ପ୍ରତ୍ୟେକ ସମସ୍ୟାକୁ ସେ ଆୟୁର୍ବେଦିକ ଚିକିତ୍ସା ମାଧ୍ୟମରେ ଆରୋଗ୍ୟ କରୁଥିଲେ । ଗଣିଆ ରାମଲୀଲାରେ ସେ ଦୀର୍ଘ ବର୍ଷ ଧରି ହନୁମାନ ଓ ରାବଣ ଭୂମିକାରେ ଅଭିନୟ କରି ଦର୍ଶକଙ୍କ ମନ କିଣି ପାରିଥିଲେ । ତାଙ୍କ ବିୟୋଗରେ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
କରୋନା ଆକ୍ରାନ୍ତ ଶିକ୍ଷାବିତ୍ଙ୍କ ପରଲୋକ
