ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲାରେ କରୋନା ମହାମାରୀ କାୟା ବିସ୍ତାର କରି ଚାଲିଥିବା ବେଳେ ଦଶପଲ୍ଲା ବିଜ୍ଞାପିତ ଅଞ୍ଚଳ ପରିଷଦ ୮ ନଂ ୱାର୍ଡ଼ ବାରପୁରକିଆ ମୈାଜାର କୈଳାସପୁରସାହି ନିବାସୀ ମହେନ୍ଦ୍ର ପଟ୍ଟନାୟକ, ପୁଷ୍ପାଞ୍ଜଳୀ ସାହୁଙ୍କ ଘରକୁ ଆଜିଠାରୁ ମାଇକ୍ରୋ କଣ୍ଟେନମେଣ୍ଟ ଘୋଷଣା କରାଯାଇଛି । ଉକ୍ତ ପରିବାରରୁ ୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଭାବେ ୱାର୍ଡ଼ ନଂ ୧୨ କୃଷ୍ଣଚନ୍ଦ୍ରପୁରପାଟଣା ମୈାଜାର ଭିଜିପୁଟସାହିର ସୁମତି ବିଶ୍ୱାଲଙ୍କ ଘରକୁ ମାଇକ୍ରୋ କଣ୍ଟେନମେଣ୍ଟ କରାଯାଇଛି । ଏହି ଘରେ ଭାରତ ଫାଇନାନ୍ସ କାର୍ଯ୍ୟ କରୁଥିଲା । କରୋନା ବ୍ୟାପିବାକୁ ଲକ୍ଷ ରଖି ତହସିଲଦାର ଅକ୍ଷୟ କୁମାର ଖେମୁଣ୍ଡୁ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଆଜି ଠାରୁ ଅନିଦ୍ଧିଷ୍ଟ କାଳ ପର୍ଯ୍ୟନ୍ତ ଏହି ନିର୍ଦ୍ଦେଶନାମା ବଳବତ୍ତର ରହିବ ବୋଲି ଜଣାଯାଇଛି ।
