ନୟାଗଡ଼,(ବାଘୁଆବାର୍ତ୍ତା): ଜିଲ୍ଲାରେ କରୋନା ମହାମାରୀର ଭୟାବହତା ବେଶ ବାରି ହେଉଛି । ଆଜି ୫ଟି ସ୍ଥାନକୁ କଣ୍ଟେନମେଣ୍ଟ କରାଯାଇଥିବା ବେଳେ ପୁଣି ୨ଟି ସ୍ଥାନକୁ କଣ୍ଟେନମେଣ୍ଟ କରାଯାଇଛି । ନୂଆଗାଁ ବ୍ଲକ ବାହାଡ଼ଝୋଲା ପଞ୍ଚାୟତ ସାହିକୁ କଣ୍ଟେମେଣ୍ଟ କରାଯାଇଛି । ଉକ୍ତ ବ୍ଲକ ଉଦୟପୁର ଗ୍ରାମ ପଞ୍ଚାୟତ ଜିଗିନିପଡ଼ା ଗ୍ରାମକୁ ନୂଆଗାଁ ତହସିଲଦାର ପ୍ରଳୟାନନ୍ଦ ଶତପଥି କଣ୍ଟେନମେଣ୍ଟଘୋଷଣା କରିଛନ୍ତି । ବାହାର ଲୋକଙ୍କୁ ଗ୍ରାମକୁ ପ୍ରବେଶ ଉପରେ କଟକଣା ଲଗାଯାଇଛି । କଣ୍ଟେନମେଣ୍ଟ ହୋଇଥିବା ପ୍ରତ୍ୟେକ ଅଞ୍ଚଳକୁ ବିଶୋଧନ କରାଯିବା ସହ ସମସ୍ତଙ୍କ ସ୍ୱାସ୍ଥ୍ୟ ଯାଞ୍ଚ କରିବାକୁ ପ୍ରସ୍ତୁତି କରାଯାଇଛି । ଉକ୍ତ ଅଞ୍ଚଳରେ ସମସ୍ତ ସରକରୀ ଓ ବେସରକାରୀ କାର୍ଯ୍ୟାଳୟକୁ ବନ୍ଦ କରାଯାଇଛି । ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ପ୍ରଶାସନ ପକ୍ଷରୁ ଯୋଗାଣ କରାଯିବ ବୋଲି ସୂଚନା ମିଳିଛି ।
