ଓଡ଼ଗାଁ (ବାଘୁଆବାର୍ତ୍ତା ବ୍ୟୁରୋ): ମଙ୍ଗଳବାର ଅପରାହ୍ନ ସାଢେ ୩ଟା ସମୟରେ ଓଡଗାଁ କଲେଜ ରୋଡରେ କାର ସହ ବାଇକର ମୁହାଁ ମୁହିଁ ଧକ୍କା ହେବା ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାଯାଇଛି । ଆହତ ଜଣକ ହେଲେ ସୁଧିର କୁମାର ପାତ୍ର(୩୪) । ସୁଧିର ଓଡଗାଁ ପଟରୁ କେନାଲଛକ ଅଭିମୁଖେ ଏକ ବଜାଜ ଡିସ୍କଭର ବାଇକ ଗାଡି ନଂ- ଓଡି-୨୫ଏ-୯୭୭୦ ଯୋଗେ ଯାଉଥିବା ସମୟରେ ବିପରୀତ ଦିଗରୁ ଆସୁଥିବା ଏକ ଅଲଟୋ କାର ଗାଡି ନଂ-ଓଡି ୦୨ଏପି-୧୩୫୮ ସହିତ ମୁହାଁ ମୁହିଁ ଧକ୍କା ହୋଇଥିଲା । ଏଥିରେ ସୁଧିର ଗୁରୁତର ଆହତ ହୋଇଥିଲେ ।
ଓଡଗାଁରେ ପ୍ରାଥମିକ ଚିକିତ୍ସା ପରେ ସୁଧିରକୁ ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା । ସୁଧିରଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭୁବନେଶ୍ୱରକୁ ସ୍ଥାନାନ୍ତର କରାଯାଇଛି ।
