ରାଜଧାନୀରେ ଫୁଟିଲା ଗୁଳି:ଅଭିଯୁକ୍ତ ଗିରଫ

ଭୁବନେଶ୍ୱର, (ବାଘୁଆବାର୍ତ୍ତା): ଭୁବନେଶ୍ୱର ସିଆରପି ଛକରେ ଫାଙ୍କା ଗୁଳିମାଡ଼ ଘଟଣା । ସ୍ତ୍ରୀଙ୍କ ବନ୍ଧୁକରୁ ଗୁଳି ଫୁଟାଇଲେ ସ୍ବାମୀ । ଅଭିଯୁକ୍ତ ବିନୟ ଆଚାର୍ୟ୍ୟକୁ ଗିରଫ କଲା ନୟାପଲ୍ଲୀ ଥାନା ପୁଲିସ୍ । ପୂର୍ବ ଶତ୍ରୁତାକୁ ନେଇ ଗଣ୍ଡଗୋଳ ପରେ ଗୁଳି ମାଡ଼ କରିଥିଲା ବିନୟ । ଘଟଣା ସ୍ଥଳରୁ ଦୁଇଟି ଖୋକା ଜବତ ହୋଇଛି । ବିଭୁ ପ୍ରସାଦ ଜେନା ଓ ବିନୟ ଆଚାର୍ୟ୍ୟ ଦୋକାନ ନିକଟରେ ଉପସ୍ଥିତି ଥିଲେ । ବିନୟ ଆସି ଗଣ୍ଡଗୋଳ କରିବା ସହ ବିଭୁ ଉପରକୁ ଗୁଳି ଚଳାଇଥିଲେ । ଥାନାରେ ବିଭୁଙ୍କ ଏତଲା ପରେ ବିନୟଙ୍କୁ ଗିରଫ କରିଛି ପୁଲିସ୍ । ବିନୟଙ୍କୁ ଗିରଫ ପରେ ଆଜି କୋର୍ଟ ଚାଲାଣ କରାଯିବ । ଗିରଫ ପରେ ପୁଲିସ୍ ଆଗରେ ସବୁ କଥା ମାନିଛି ବିନୟ । ନିଜ ସ୍ତ୍ରୀର ବନ୍ଧୁକରୁ ଗୁଳି ଚଳାଇ ଥିଲେ ବିନୟ । ବିନୟ ଠାରୁ ଗୋଟିଏ ବନ୍ଧୁକ, ୫ ରାଉଣ୍ଡ ଗୁଳି ଜବତ ହୋଇଛି । ବିନୟଙ୍କ ପତ୍ନୀ ହେଉଛନ୍ତି ନ୍ୟାସନାଲ ସ୍ତରର ସୁଟର ସ୍ଥିତପ୍ରଜ୍ଞା ରାୟ । ବନ୍ଧୁକଟି ସ୍ଥିତପ୍ରଜ୍ଞାଙ୍କ ନାମରେ ଅଛି । ତେବେ ଏହି ବନ୍ଧୁକ ଲାଇସେନ୍ସକୁ ବାତିଲ କରିବାକୁ ପୁଲିସ୍ କମିଶନରଙ୍କୁ ଚିଠି ଲେଖିବେ ଡିସିପି ପ୍ରତୀକ ସିଂ ।