ଜୟପୁର, (ବାଘୁଆବାର୍ତ୍ତା): ମହାମାରୀ ଅନେକ ଜୀବନ ନେବାରେ ଲାଗିଛି । ମହାମାରୀ କରୋନା ଆଜି ଜଣେ ପୂର୍ବତନ ମୁଖ୍ୟମନ୍ତ୍ରୀଙ୍କ ଜୀବନ ନେଇଥିବା ଜଣାପଡିଛି । ସୂଚନାନୁସାରେ, ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଜଗନ୍ନାଥ ପହାଡିଆ କିଛିଦିନ ତଳେ କରୋନାରେ ସଂକ୍ରମିତ ହୋଇ ଚିକିତ୍ସା ହେଉଥିଲେ । ଗୁରୁଗାଁର ଏକ ଘରୋଇ କୋଭିଡ୍ ହସ୍ପିଟାଲରେ ପୂର୍ବତନ ମୁଖ୍ୟମନ୍ତ୍ରୀ ଚିକିତ୍ସାଧିନ ଅବସ୍ଥାରେ ତାଙ୍କର ଆଜି ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୯ ବର୍ଷ ହୋଇଥିଲା । ପୂର୍ବତନ ମୁଖ୍ୟମନ୍ତ୍ରୀଙ୍କ ବିୟୋଗ ହେବା ଖବର ପ୍ରସାରିତ ହେବା ପରେ ରାଜସ୍ଥାନରେ ଶୋକ ଛାୟା ଖେଳିଯାଇଛି । ରାଷ୍ଟ୍ରୀୟ ମର୍ଯ୍ୟଦା ସହ ଶେଷକୃତ୍ୟ ସଂପର୍ଣ୍ଣ କରାଯିବ । ରାଜସ୍ଥାନରେ ଦିନିକିଆ ଶୋକ ପାଳନ କରାଯାଉଛି । ଗଭୀର ଶୋକ ପ୍ରକାଶ କରିବା ସହିତ ପୂର୍ବତନ ମୁଖ୍ୟମନ୍ତ୍ରୀ ପାହାଡିଆଙ୍କ ଦେହାନ୍ତ ହେବା ତାଙ୍କ ପାଇଁ ବ୍ୟକ୍ତିଗତ କ୍ଷତି ହୋଇଛି ବୋଲି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ କହିଛନ୍ତି ।
