ଜଟଣୀ, (ବାଘୁଆବାର୍ତ୍ତା): କୋଭିଡ୍ ନିୟମ ଉଲଂଘନକାରୀଙ୍କ ଉପରେ ପ୍ରଶାସନର କଡା ଆଭିମୁଖ୍ୟ । ଜଟଣୀର ବିଭିନ୍ନ ଦୋକାନ ବଜାର ଅଞ୍ଚଳରେ ସ୍ଥାନୀୟ ପ୍ରଶାସନ ଚଢାଉ । ଅମାନିଆ ବ୍ୟବସାୟୀଙ୍କୁ ସାବାଡ କରାଯାଇଛି । ଦୋକାନ ବଜାରରେ ପ୍ରବଳ ଭିଡ ଦେଖିବାକୁ ମିଳିଥିଲା । କୋଭିଡ୍ ନିୟମ ମାନୁନଥିବା ଅଭିଯୋଗରେ ଜଟଣୀ ସୀତାରାମ ଛକ ସ୍ଥିତ ଗଣେଶ ମାର୍କେଟ୍ କମ୍ପ୍ଲେକ୍ସ ଓ ମହାଲକ୍ଷ୍ମୀ ମାର୍କେଟ୍ କମ୍ପ୍ଲେକ୍ସକୁ ସିଲ୍ କରିଦିଆଯାଇଛି । ପର ବଡବଜାରର ଶ୍ରୀରାମ କମ୍ପ୍ଲେକ୍ସ ସିଲ୍ କରିବା ସହ ରାଜାବଜାରର କୈଳାସ ବସ୍ତ୍ରାଳୟକୁ ଅନିର୍ଦ୍ଧିଷ୍ଟ କାଳ ପର୍ୟ୍ୟନ୍ତ ପ୍ରଶାସନ ସିଲ୍ କରିଛି । ଆଗାମୀ ଦିନରେ ଏହିଭଳି ଚଢାଉ ଜାରି ରହିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଏହି ମାର୍କେଟ୍ କମ୍ପ୍ଲେକ୍ସରେ କେବଳ ଔଷଧ ଦୋକାନ ଖୋଲା ରହିବ । ଯଦି କେହି ବ୍ୟକ୍ତି ଏହି ଅଞ୍ଚଳରେ ବ୍ୟବସାୟ କିମ୍ବା ଅନାବଶ୍ୟକ ପ୍ରବେଶ କରନ୍ତି ତେବେ ସେମାନଙ୍କ ବିରୋଧରେ ଦୃଢ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ ।
