ଓଲଟିଲା ବସ ୧୦ ଆହାତ, ୨ଗୁରୁତର

ନୟାଗଡ଼ (ବାଘୁଆବାର୍ତ୍ତା) : ନୟାଗଡ଼ ନୂଆଗାଁ ବ୍ଲକ ଅନ୍ତର୍ଗତ ପଂଚୁପାଣ୍ଡବ ପାହାଡ଼ ନିକଟସ୍ଥ ଜାତୀୟ ରାଜପଥ ୫୭ରୁ ରାସ୍ତା କଡ଼କୁ ବସ ଓଲଟିଛି । ଏହି ଦୁର୍ଘଟଣାରେ ୧୦ ଜଣ ଆହାତ ହୋଇଥିବା ବେଳେ ଦୁଇଜଣଙ୍କ ଅବସ୍ଥା ଗୁରତର ରହିଥିବା ଜଣାପଡ଼ିଛି । ସୂଚନାନୁସାରେ, ଭୂବନେଶ୍ୱରରୁ ଫୁଲବାଣୀ ଅଭିମୂଖେ ଯାଇଥିବା ଫ୍ରେଣ୍ଡସ (ଓଡି ୨୫-୮୨୯୯) ନାମକ ବସ ଭାରସ୍ୟାମ ହରାଇ ରାସ୍ତାକଡ଼କୁ ଓଲଟି ପଡ଼ିଥିଲା । ଏହି ଦୁର୍ଘଟଣାରେ ୧୦ ଜଣ ଆହାତ ଏବଂ ୨ ଜଣ ଗୁରୁତଙ୍କୁ ଦୁଇଟି ଆମ୍ବୁଲାନ୍ସ ଏବଂ ଦମକଳ ଗାଡ଼ି ସାହାର୍ଯ୍ୟରେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରାଯାଇଥିବା ବେଳେ ଗୁରୁତରଙ୍କୁ ଭୂବନେଶ୍ୱର ସ୍ଥାନାନ୍ତରିତ କରାଯାଇଛି । ପୁଲିସ ଏହି ଘଟଣାର ତଦନ୍ତ ଆରମ୍ଭ କରିଛି ।