ପ୍ରଶାସନ କଥା ମାନୁ ନାହାଁନ୍ତି ଘରୋଇ ବସ୍

ଲକ୍ଷ୍ମୀପୁର, (ବାଘୁଆବାର୍ତ୍ତା): କରୋନା ମହାମାରୀ ଯୋଗୁଁ ଚାଲିଥିବା ଲକଡାଉନ୍ ପାଇଁ ଦୀର୍ଘ ଦିନ ହେଲାଣି କୋରାପୁଟ ଜିଲ୍ଲାର ବନ୍ଦ ଥିବା ଘରୋଇ ବସ ୪ ଦିନ ହେଲା ଚଳପ୍ରଚଳ ଆରମ୍ଭ କରିଛି । ଜୟପୁର, ନବରଙ୍ଗପୁର, କୋରାପୁଟ ଠାରୁ ଲକ୍ଷ୍ମୀପୁର ଦେଇ ଯାଉଥିବା ଘରୋଇ ବସ ଗୁଡିକରେ ଏବେ ମନମୁଖି ଶାସନ ଚାଲିଥିବା ଦେଖିବାକୁ ମିଳିଛି । ପ୍ରଶାସନର ନିୟମକୁ ପୁରା ଅଣଦେଖା କରାଯାଉଛି । ବସରେ ସିଟ ସଂଖ୍ୟାରୁ କମ ପାସେଞ୍ଜର ନେବାକୁ ନିର୍ଦ୍ଦେଶ ଜାରି ହୋଇଥିଲେ ମଧ୍ୟ କେହି ବି ମାନୁ ନାହାନ୍ତି । ଏପରିକି ସିଟ ସଂଖ୍ୟାରୁ ଅଧିକ ପାସେଞ୍ଜରଙ୍କୁ ଖୁନ୍ଦାଖୁନ୍ଦି ହୋଇ ନେଉଥିବା ଦେଖିବାକୁ ମିଳିଛି । ଏଥିସହ ଟିକେଟ ଦର ମଧ୍ୟ ସରକାର ଜାରି କରିଥିବା ଦର ଠାରୁ ଅଧିକ ନିଆ ଯାଉଛି । ଆଜି ଏକ ଘରୋଇ ବସ ନବରଙ୍ଗପୁର ଠାରୁ ଗୁଣୁପୁର ଅଭିମୁଖେ ଯାଉଥିବା ବେଳେ ବସ ଭିତରେ ପାସେଞ୍ଜର ପୁରା ଭର୍ତି ହୋଇଥିବା ନଜରକୁ ଆସିଥିଲା। ଯାହା କି କରୋନା ମହାମାରୀକୁ ସ୍ଵାଗତ କରାଯାଉଥିବା ସଦୃଶ୍ୟ ପାଲଟିଛି । ତେଣୁ ପ୍ରଶାସନର କଥାକୁ ଅମାନ୍ୟ କରୁଥିବା ଏହିଭଳି ଘରୋଇ ବସ ଉପରେ ଜିଲ୍ଲାପ୍ରଶାସନ କଡା ପଦକ୍ଷେପ ଗ୍ରହଣ କରିବା ଜରୁରି ହୋଇପଡିଛି ।