ଓଡ଼ଗାଁ,(ବାଘୁଆବାର୍ତ୍ତା) ନୟାଗଡ଼ ଜିଲ୍ଲା ଓଡ଼ଗାଁ ଅଞ୍ଚଳରୁ ପ୍ରଥମ କରି ବ୍ରାଉନସୁଗାର ଜବତ କରାଯାଇଛି । ଓଡ଼ଗାଁ ପୁଲିସ ପ୍ରେଟୋଲିଂ କରୁଥିବା ସମୟରେ ଜଣେ ବ୍ରାଉନସୁଗାର ବ୍ୟବସାୟୀକୁ ଗିରଫ କରିବା ସହ ୨୧ ଗ୍ରାମ ବ୍ରାଉନସୁଗାର ଜବତ କରିଛି । ଗିରଫ ହୋଇଥିବା ବ୍ୟକ୍ତି ଜଣଙ୍କ ହେଲେ ସ୍ଥାନୀୟ ସାକେରୀ ଗ୍ରାମର ଦୁର୍ଯ୍ୟୋଧନ ପ୍ରଧାନଙ୍କ ପୁଅ ପ୍ରକାଶ ପ୍ରଧାନ ବୋଲି ଜଣାଯାଇଛି । ପ୍ରକାଶ ଦୀର୍ଘଦିନ ଧରି ଓଡ଼ଗାଁ ଅଞ୍ଚଳରେ କାରବାର କରୁଥିବା ନେଇ ପୁଲିସ ସୂଚନା ପାଇଥିଲା । ଏଣୁ ତା ଉପରେ ଆଦର୍ଶ ଥାନା ଅଧିକାରିଣୀ ପ୍ରଜ୍ଞା ପାରମିତା ଜେନା ଏବଂ ଏସଆଇ ସଞ୍ଜୟ ପରିଡ଼ା ନଜର ରଖିଥିଲେ । ପୁଲିସ ପ୍ରେଟୋଲିଂ କରୁଥିବା ସମୟରେ ପ୍ରକାଶ କାରବାର କରୁଥିବା ଜାଣିବାକୁ ପାଇଥିଲା । ସରକାରୀ ଡିପ୍ଲୋମା କଲେଜ ନିକଟରୁ ପ୍ରକାଶକୁ ଗିରଫ କରାଯାଇଥିବା ସୂଚନା ମିଳିଛି । ଜବତ ବ୍ରାଉନସୁଗାରର ଆନୁମାନିକ ମୁଲ୍ୟ ୨ ଲକ୍ଷରୁ ଉଦ୍ଧ୍ୱର୍ ହେବ ବୋଲି ଜଣାଯାଇଛି । ଏନେଇ ଓଡ଼ଗାଁ ଥାନାରେ ୫୬/୨୧ରେ ଏକ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି । ଜାମିନ ନାମାଞ୍ଜୁର ହେବାରୁ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଜଣାଯାଇଛି ।
