ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଟାଉନଥାନା ପୁଲିସ ପୁଣି ଦୁଇ ଜଣ ବ୍ରାଉନସୁଗାର ବେପାରିକୁ ଗିରଫ କରିଛି । ସେମାନେ ହେଲେ ଖୋର୍ଦ୍ଧା ଜିଲ୍ଲା ନାଲିପଦର ଅର୍ଜ୍ଜୁନପୁର ଗ୍ରାମର କୃଷ୍ଣଚନ୍ଦ୍ର ନାୟକଙ୍କ ପୁଅ ସିଦ୍ଧାର୍ଥ ରଞ୍ଜନ ନାୟକ (୨୪) ଏବଂ ପୁବୁସାହିର ଗୋପାଳ ନାୟକଙ୍କ ପୁଅ ପ୍ରକାଶ ନାୟକ(୨୬) । ଖୋର୍ଦ୍ଧାରୁ ନୟାଗଡ଼ ଆସି ଏହି ଦୁଇ ବ୍ରାଉନସୁଗାର ବ୍ୟବସାୟୀ ରେଳ ଷ୍ଟେସନଠାରେ ସେମାନଙ୍କ କାରବାର ଚଳାଇଥିଲେ । ଖବରପାଇ ନୟାଗଡ଼ ଟାଉନଥାନା ପୁଲିସ ଆଜି ସକାଳେ ଚଢ଼ାଉ କରି ଦୁଇ ଜଣଙ୍କୁ ଗିରଫ କରିଛି । ସେମାନଙ୍କ ନିକଟରୁ ୫୫ଟି ପୁଡ଼ିଆ ତଥା ୪ ଗ୍ରାମ ୩୧୦ ମିଲିଗ୍ରାମ ବ୍ରାଉନସୁଗାର ଜବତ କରାଯାଇଛି । ପୁଲିସ ପକ୍ଷରୁ ୧୦୩/୨୧ରେ ଏକ ମାମଲା ରୁଜୁ କରାଯାଇ ଗିରଫ କରାଯାଇଥିବା ଥାନା ଅଧିକାରୀ ଜୟଦୀପ ମହାନ୍ତି ସୂଚନା ଦେଇଛନ୍ତି ।
