ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ରଣପୁର ଥାନା ପୁଲିସ ଆଜି ୧୧.୫ ଗ୍ରାମ ବ୍ରାଉନସୁଗାର ଜବତ କରିଥିବା ବେଳେ ଦୁଇ ଜଣଙ୍କୁ ଅଟକ ରଖିଛି । ସୂଚନାନୁସାରେ, ଆଜି ସକାଳକୁ ଖୋର୍ଦ୍ଧାରୁ ନୟାଗଡ଼କୁ ବ୍ରାଉନସୁଗାର ଧରି କିଛି ବ୍ୟବସାୟୀ ଆସୁଥିବା ବେଳେ ରଣପୁର ପୁଲିସ ଏବଂ ସ୍ପେଶାଲ ସ୍ୱାର୍ଡ଼ ମିଳିତ ଚଢ଼ାଉ କରିଥିଲେ । ଚଢ଼ାଉ ସମୟରେ ଅଭିଯୁକ୍ତଙ୍କଠାରୁ ୨୨୦ ପ୍ୟାକେଟ ବ୍ରାଉନସୁଗାର ଜବତ କରାଯାଇଥିଲା । ଜବତ ବ୍ରାଉନସୁଗାର ଆନୁମାନିକ ମୁଲ୍ୟ ଲକ୍ଷାଧିକ ହେବ ବୋଲି ଆକଳନ କରାଯାଇଛି । ଅନ୍ୟପକ୍ଷେ, ଦୁଇ ଅଭିଯୁକ୍ତଙ୍କୁ ଥାନାରେ ଅଟକ ରଖାଯାଇଥିବା ବେଳେ ତଦନ୍ତ ପାଇଁ ପରିଚୟ ଗୋପନ ରଖାଯାଇଛି । ସେମାନଙ୍କ ପାଖରୁ ଗୋଟିଏ ସ୍କୁଟି ଜବତ କରାଯାଇଛି ।
