ଲୁଚାରେ ବିବାହ କଲେ ବ୍ରିଟିଶ ପିଏମ୍ ବୋରିସ୍ ଜନସନ୍, ପତ୍ନୀଙ୍କ ବୟସ ୩୩

ନୂଆଦିଲ୍ଲୀ, (ବାଘୁଆବାର୍ତ୍ତା): ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନଙ୍କ ବୟସ ଏବେ ୫୬ । ସେ ବିବାହ କଲେ ୩୩ ବର୍ଷୀୟ ମଙ୍ଗେତରଙ୍କୁ । ବିବାହକୁ ନେଇ ଚର୍ଚ୍ଚାରେ ଥିବା ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନସନ୍ ଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ୫୬ ବର୍ଷୀୟ ବୋରିସ୍ ଜନସନ୍ ତାଙ୍କର ୩୩ ବର୍ଷୀୟା ମଙ୍ଗେତର କୈରୀ ସାଇମଣ୍ଡସଙ୍କ ସହ ସିକ୍ରେଟ୍ ମ୍ୟାରେଜ କରିଥିବା ସୂଚନା ମିଳିଛି। ଏହି ବିବାହ କାର୍ୟ୍ୟକ୍ରମରେ ଉଭୟଙ୍କ ପରିବାର ଲୋକ ଓ କିଛି ବନ୍ଧୁ ସାମିଲ ହୋଇଥିଲେ। ମିଡିଆ ରିପୋର୍ଟ ଅନୁଯାୟୀ, ଜନସନ୍ ଏବଂ ସାଇମଣ୍ଡସ୍ ଗୁପ୍ତ ଭାବରେ ବିବାହ କରିସାରିଛନ୍ତି। ଏହା ପୂର୍ବରୁ ୨୦୨୨ ଜୁଲାଇ ୩୦ରେ ସେ ବିବାହ କରିବେ ବୋଲି ଚର୍ଚ୍ଚା ହେଉଥିଲା। ଏଥିପାଇଁ ଉଭୟ ସେମାନଙ୍କ ପରିବାର ଲୋକ ଏବଂ ବନ୍ଧୁ ସମ୍ପର୍କୀୟଙ୍କୁ ନିମନ୍ତ୍ରଣ ପଠାଇଥିଲେ। ତେବେ ଏହି କାର୍ଡରେ ୱେଡିଂ ଭେନ୍ୟୁ ଲେଖାନଥିଲା। ୨୦୧୯ରେ ବୋରିସ୍ ଜନସନ୍ ବ୍ରିଟେନର ପ୍ରଧାନମନ୍ତ୍ରୀ ହେବା ପରେ ସାଇମଣ୍ଡସ୍ ଙ୍କ ସହ ଡାଉନିଂ ଷ୍ଟ୍ରିଟରେ ରହୁଥିଲେ। ଗତ ବର୍ଷ ତାଙ୍କର ଏକ ପୁତ୍ର ସନ୍ତାନ ମଧ୍ୟ ହୋଇଥିଲା। ତାଙ୍କ ପୁଅର ନାମ ୱିଲଫ୍ରେଡ ଲରି ନିକୋଲାସ୍ ଜନସନ ରଖାଯାଇଥିଲା। ଏହା ପୂର୍ବରୁ ଜନସନଙ୍କ ବିବାହ ମରୀନା ହ୍ଵିଲରଙ୍କ ସହ ହୋଇଥିଲା। ଜନସନ୍ ଏବଂ ମରୀନଙ୍କର ୪ଟି ସନ୍ତାନ ରହିଛନ୍ତି। ବିବାହର ୨୫ ବର୍ଷ ପରେ ଜନସନ୍ ମରୀନାଙ୍କ ଠାରୁ ବିବାହ ବିଚ୍ଛେଦ କରିଥିଲେ। ହ୍ଵିଲରଙ୍କ ପୂର୍ବରୁ ଜନସନ୍ ଏଲେଗ୍ରା ମାଷ୍ଟିନ ଓୱେନଙ୍କ ସହ ବିବାହ କରିଥିଲେ। ତେବେ ସାଇମଣ୍ଡସ୍ ଏବେ ତାଙ୍କର ତୃତୀୟ ପତ୍ନୀ ହେବେ।