ବଲାଙ୍ଗୀର ବିଜେପିରେ ଫାଟ, ଜିଲ୍ଲା ପରିଷଦ କାର୍ଯ୍ଯାଳୟ ଆଗରେ ବସିଲେ ବିଧାୟକ ନବୀନ ଜୈନ

ବଲାଙ୍ଗୀର, (ବାଘୁଆବାର୍ତ୍ତା): ବଲାଙ୍ଗୀର ବିଜେପିରେ ଫାଟ । ସାଂସଦଙ୍କ ଇଚ୍ଛାରେ ବିକାଶ । ସ୍ଥାନୀୟ ବିଧାୟକଙ୍କୁ ଅଣଦେଖା । ମନ୍ତ୍ରୀଙ୍କ ସମୀକ୍ଷା ଚାଲିଥିବାବେଳେ ବାହାରେ ବସି ପ୍ରତିବାଦ କଲେ ବିଧାୟକ ନବୀନ ଜୈନ । ବିଧାୟକଙ୍କ କଥା ଶୁଣୁନାହାନ୍ତି ବରିଷ୍ଠ ଅଧିକାରୀ କି କିରାଣି । ଟିଟିଲାଗଡ଼ ବିଜେପି ବିଧାୟକ ନବୀନ ଜୈନଙ୍କ ଗୁରୁତର ଅଭିଯୋଗ ପରେ ଏବେ ଜିଲ୍ଲାରେ ଦଳର ଅନ୍ତଃକନ୍ଦଳ ଦାଣ୍ଡରେ ପଡ଼ି ହାଟରେ ଗଡ଼ିଲାଣି । ଏପରିକି ତାଙ୍କୁ କୌଣସି ସରକାରଙ୍କୁ ବିଧାୟକଙ୍କୁ ଡକାଯାଉନି । ଜିଲ୍ଲା ପରିଷଦ କାର୍ଯ୍ୟାଳୟରେ ପଞ୍ଚାୟତିରାଜ ମନ୍ତ୍ରୀ ରବି ନାୟକ ସମୀକ୍ଷା ବୈଠକ କରୁଥିବାବେଳେ ବାହାରେ ବସି ପ୍ରତିବାଦ କଲେ ବିଧାୟକ ନବୀନ ଜୈନ । କ୍ୟାମେରା ସାମ୍ନାରେ ବିଜେପି ବିଧାୟକ ନିଜ ଅସହାୟତା ପ୍ରକାଶ କରିଥିବା ବେଳେ କିଏ ସେହି ପାୱାରଫୁଲ ମ୍ୟାଡମ୍ ତାକୁ ନେଇ ସୃଷ୍ଟି ହୋଇଛି ଚର୍ଚ୍ଚା । ମ୍ୟାଡମ୍ ଜଣଙ୍କ ଲୋକ ପ୍ରତିନିଧି ନା ସରକାରୀ ଅଧିକାରୀ ତାହା କହିନଥିବା ବେଳେ ମୁଖ୍ୟମନ୍ତ୍ରୀ ବି ଜାଣିଛନ୍ତି ବୋଲି ବକ୍ରୋକ୍ତି କରିଛନ୍ତି ବିଧାୟକ I ବିଧାୟକଙ୍କ ଏହି ହାଇଡ୍ରାମା ପରେ ବୈଠକ ହୋଇନପାରିବାରୁ ଅଧିକାରୀମାନେ ଉଠି ଚାଲିଯାଇଥିଲେ I