ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ଜିଲ୍ଲା ମୁଖ୍ୟ ଚିକିତ୍ସାଳୟ ଠାରେ ଜାତୀୟ ସ୍ୱେଚ୍ଛାକୃତ ରକ୍ତଦାନ ଦିବସ ପାଳିତ ହୋଇଯାଇଅଛି । ମୁଖ୍ୟ ଅତିଥି ଭାବେ ଭାରପ୍ରାପ୍ତ ମୁଖ୍ୟ ଚିକିତ୍ସା ଅଧିକାରୀ ଡ.ସୁଧାଂଶୁ ଶେଖର ଷଡ଼ଙ୍ଗୀ ସ୍ୱେଚ୍ଛାକୃତ ଭାବେ ରକ୍ତଦାନ କରିବା ପାଇଁ ପରାମର୍ଶ ଦେଇଥିଲେ । ରକ୍ତଦାନର ନିୟମାବଳୀ ବିଷୟରେ ଆଲୋଚନା କରିଥିଲେ । ୬୦ ଜଣ ରକ୍ତଦାତା ଏହି ସଭାରେ ଯୋଗଦାନ କରି ସଭାଟିକୁ ସାଫଲ୍ୟ ମଣ୍ଡିତ କରିଥିଲେ ଏବଂ ତାଙ୍କର ମତ ରଖିଥିଲେ । ଏଥି ସହିତ ସ୍ୱାସ୍ଥ୍ୟ ବିଭାଗ କର୍ମଚାରୀ ଓ ସ୍ୱେଚ୍ଛାସେବୀ ମାନେ ଉକ୍ତ କାର୍ଯ୍ୟରେ ଯୋଗାଦାନ କରିଥିଲେ । ଡ.ଶରତ କୁମାର ଦାସ, ଡ. ସୁବାସ ଚନ୍ଦ୍ର ନାୟକ, ଡ. ପୁଷ୍ପା ନିଳିମା ଲାକାରା, ସ୍ମୃତିଲତା ବିଶାଳ, ଦୀପକ ଦଳବେହେରା, ବିଶିଷ୍ଟ ଚିକିତ୍ସା ତଦାରଖକାରୀ ଅଜୟ କୁମାର ପଟ୍ଟନାୟକ, ବ୍ଳଡ ବ୍ୟାଙ୍କ ପରାମର୍ଶ ଦାତା ସମସ୍ତ ଉକ୍ତ କାର୍ଯ୍ୟରେ ଯୋଗାଦାନ କରିଥିଲେ । ୭ ଗୋଟି ରକ୍ତ ସଂଗ୍ରହ କରାଯାଇଥିଲା ।
