ଯୁବକସଂଘ ଦ୍ୱାରା ୧୪ ୟୁନିଟ୍ ରକ୍ତ ଦାନ

ନୟାଗଡ଼,(ବାଘୁଆବାର୍ତ୍ତା) : କରୋନା ରୋଗର ଆତଙ୍କ ସର୍ବତ୍ର ଖେଳିଯାଇଥିବା ବେଳେ ଦଶପଲ୍ଲା ବ୍ଲକ୍ ଡିହଗାଁ କିଷାନ ଯୁବକ ସଂଘର ସ୍ୱେଚ୍ଛୋସେବୀମାନେ ଏହାକୁ ଖାତିର୍ ନକରି ୧୪ ୟୁନିଟ୍ ରକ୍ତ ଦାନ କରିଛନ୍ତି । ନୟାଗଡ଼ ରେଡକ୍ରସ୍ ପକ୍ଷରୁ ଏହି ରକ୍ତକୁ ସଂଗ୍ରହ କରାଯାଇଥିଲା । ଯୁବକ ସଂଘର ସଭାପତି ଦିବ୍ୟଜ୍ୟୋତି ମିଶ୍ର, ସମ୍ପାଦକ ଭବାନୀ ଶଙ୍କର ପ୍ରଧାନ ଏବଂ ଶିକ୍ଷକ ବିଘ୍ନେଶ୍ୱର ବେହେରାଙ୍କ ଉଦ୍ୟମରେ ଶିବିର ପରିଚାଳନା କରାଯାଇଥିଲା । ଦେଶ ଏଭଳି ସଙ୍କଟ ଜନକ ଅବସ୍ଥାରେ ଗତି କରୁଥିବା ବେଳେ ସ୍ୱେଚ୍ଛାକୃତ ରକ୍ତଦାନ ଅନେକ ଗୁରୁତର ରୋଗୀଙ୍କ ପାଇଁ ନିଶ୍ଚିତ ଭାବେ ମୃତ୍ୟୁମୁଖରୁ ବଞ୍ଚାଇ ପାରିବ ବୋଲି ଆଶା କରାଯାଉଛି । ସାମାଜିକ ଦୂରତ୍ୱକୁ ଦୃଷ୍ଟିରେ ରଖି ଶିବିର ହୋଇଥିଲା ।