ବଳଙ୍ଗା ଥାନା ବିସ୍ଫୋରଣ ଘଟଣାରେ ମାଲଖାନା ସ୍ଥିତି ପରଖିବା ପାଇଁ କ୍ରାଇମବ୍ରାଞ୍ଚର ସବୁ ଜିଲ୍ଲା ଏସପି, ଡିସିପି ଓ ଡ଼ିଆଇଜିଙ୍କୁ ନିର୍ଦ୍ଦେଶ

ଭୁବନେଶ୍ବର, (ବାଘୁଆବାର୍ତ୍ତା): ପୁରୀ ବଳଙ୍ଗା ଥାନା ବିସ୍ଫୋରଣ ଘଟଣାରେ ଆଡ଼ଭାଇଜରୀ ଜାରି କଲା କ୍ରାଇମବ୍ରାଞ୍ଚ । ସବୁ ଜିଲ୍ଲା ଏସପି, ଡିସିପି ଓ ଡ଼ିଆଇଜିଙ୍କୁ ମାଲଖାନା ସ୍ଥିତି ପରଖିବା ପାଇଁ ନିର୍ଦ୍ଦେଶ ଦିଆଯାଇଛି । ମାଲଖାନା ପରିଚାଳନା ସହ ବିସ୍ଫୋରକ ଗଚ୍ଛିତ ଉପରେ ନଜର ରଖିବକୁ ମଧ୍ୟ ନିର୍ଦ୍ଦେଶ ଦିଆଯାଇଛି । ଏ ନେଇ କ୍ରାଇମବ୍ରାଞ୍ଚ ପକ୍ଷରୁ ସୂଚନା ମିଳିଛି । ଉଲ୍ଲେଖଯୋଗ୍ୟ ଯେ, ସୋମବାର ରାତି ପ୍ରାୟ ୧୨ ଟା ୫ରେ ପୁରୀ ବଳଙ୍ଗା ଥାନାରେ ହୋଇଥିଲା ଭୟଙ୍କର ବିସ୍ଫୋରଣ । ବିସ୍ଫୋରଣ ଏତେ ଭୟଙ୍କର ଥିଲା ଯେ ଆଖପାଖ ଅଂଚଳ ଭୂମିକଂପର ପରି ଧରି ଉଠିଥିଲା । ଧୂଆଁମୟ ହୋଇ ଉଠିଥିଲା ପୁରା ପରିବେଶ । ସ୍ଥାନୀୟ ଲୋକେ ଭୟଭୀତ ହୋଇପଡିଥିଲେ । ତେବେ ବିସ୍ଫୋରଣରେ ଥାନାର ଅନେକ ଗୁରୁତ୍ଵପୂର୍ଣ୍ଣ କାଗଜ ଓ ଆସବାବପତ୍ର ନଷ୍ଟ ହୋଇଯାଇଥିବା ବେଳେ ଡ୍ୟୁଟିରେ ଥିବା ସେଣ୍ଟ୍ରି ଅଳ୍ପକେ ବର୍ତ୍ତିଯାଇଛନ୍ତି । ଥାନା ମାଲଖାନାରେ ଜବତ ହୋଇଥିବା ବାଣ ଓ ବ୍ୟାଟେରୀରୁ ଏହି ବିସ୍ଫୋରଣ ଘଟିଥାଇ ପାରେ ବୋଲି କୁହାଯାଉଛି । ତେବେ ତଦନ୍ତ ପରେ ବିସ୍ଫୋରଣର କାରଣ ଜଣାପଡିବ ବୋଲି ପୋଲିସ କହିଛି ।