ବ୍ରହ୍ମପୁର, (ବାଘୁଆବାର୍ତ୍ତା): ନାବାଳିକାଙ୍କ ନଗ୍ନ ଫଟୋ ଉଠାଇ ଭାଇରାଲ କରିବା ମାମଲାରେ ଗୋସାଇଁନୂଆଗାଁ ଥାନା ପୁଲିସ ରଶ୍ମିରଞ୍ଜନ ପଣ୍ଡାଙ୍କୁ ଗିରଫ କରି କୋର୍ଟଚାଲାଣ କରିଛି । ଗିରଫ ଅଭିଯୁକ୍ତ କଟକ ସିଡିଏ ଅଞ୍ଚଳର ଲକ୍ଷ୍ମୀ ନାରାୟଣ । ସେ ମନ୍ଦିରରେ ଜଣେ ପୂଜକ । କେନ୍ଦ୍ରାପଡ଼ା ଅଞ୍ଚଳର ରଶ୍ମି ରଞ୍ଜନ ପୋଷ୍ଟ ଗ୍ରାଜୁଏଟ୍ କରିବାପରେ ନିଜ ପରିବାରର ପରମ୍ପରା ଅନୁସାରେ କଟକ ଅଞ୍ଚଳରେ ଥିବା ଲକ୍ଷ୍ମୀନାରାୟଣ ମନ୍ଦିରରେ ପୂଜକ ଭାବେ କାର୍ୟ୍ୟ କରୁଥିଲେ । ସେ ଫେସବୁକ୍ ମାଧ୍ୟମରେ ନିଜର ପୋଷ୍ଟ ଛାଡିବା ସହ ଯେଉଁ ଝିଅମାନେ ଫିଲ୍ମ ଲାଇନ୍ ପାଇଁ ଇଚ୍ଛୁକ ସେମାନେ ତାଙ୍କ ସହ ଯୋଗାଯୋଗ କରିବା ପାଇଁ କହିଥିଲେ । ବ୍ରହ୍ମପୁର ଏବଂ ଆଖ ପାଖ ଅଞ୍ଚଳର କିଛି ନାବାଳିକା ଉକ୍ତ ଯୁବକଙ୍କ ସହ ଯୋଗାଯୋଗ କରିବା ସହ ଫିଲ୍ମରେ ସୁଯୋଗ କିପରି ମିଳିବ ବୋଲି ପଚାରିଥିଲେ । ଏହାର ବେଶ୍ ସୁଯୋଗ ନେଇ ପୂଜାରୀ ରଶ୍ମି ଝିଅମାନଙ୍କୁ ଭିଡିଓ କଲ୍ କରିବା ସହ ସେମାନଙ୍କୁ ହଟ୍ ପୋଜ୍ରେ ଫଟୋ ପଠାଇବା ପାଇଁ କହିଥିଲେ । ଏପରିକି ଭିଡିଓ କଲ୍ ମାଧ୍ୟମରେ ନାବାଳିକାଙ୍କୁ ନଗ୍ନ ଫଟୋ ଉଠାଇବାକୁ କହି ତାହାକୁ ସ୍କ୍ରିନ୍ ସଟ୍ ନେଇ ବ୍ଲାକ୍ ମେଲ୍ କରୁଥିଲେ । ଦୁଇଦିନ ପୂର୍ବେ ଗୋସାଇଁନୂଆଗାଁ ଥାନା ଆଇଆଇସି ସୁମିତ୍ ସୋରେନ୍ ଏବଂ ତାଙ୍କ ଟିମ୍ ଯୁବକଙ୍କୁ କଟକ ଲକ୍ଷ୍ମୀନାରାୟଣ ମନ୍ଦିର ଭିତରୁ କାବୁ କରିଛନ୍ତି ।
ମନ୍ଦିର ପୁଜାରୀ, ଫିଲ୍ମି ହିରୋଇନ କରିବା କହି ମାଗୁଥିଲେ ହଟ ପୋଜର ଫଟୋ, ଏହାପରେ ବ୍ଲାକମେଲିଂ
