ଗୁଜୁରାଟ, (ବାଘୁଆବାର୍ତ୍ତା): ମହାମାରୀ କରୋନା ସଂକ୍ରମଣରେ ସମସ୍ତ ଜନସାଧାରଣ ଅସ୍ତବ୍ୟସ୍ତ ହୋଇ ପଡିଥିବା ବେଳେ ବ୍ଲାକ୍ ପଙ୍ଗସ୍ ଚିନ୍ତା ବଢାଇଛି । ଏମିତି ଜଣେ ରୋଗୀ ଅଛନ୍ତି ଯିଏ କି କରୋନାରେ ସଂକ୍ରମିତ ହୋଇ ଚିକିତ୍ସା ହୋଇ ସୁସ୍ଥ ହୋଇଥିଲେ ମଧ୍ୟ ବ୍ଲାକ୍ ପଙ୍ଗସ୍ ତାଙ୍କ ପିଛା ଛାଡୁନଥିବା ଜଣାପଡିଛି । ବ୍ଲାକ୍ ପଙ୍ଗସ୍ ରୁ ଆରୋଗ୍ୟ ହେବା ପାଇଁ ୬ ଥର ଅପରେସନ୍ କରିଥିଲେ ମଧ୍ୟ ସୁସ୍ଥ ହେବାର ନା ଗନ୍ଧ ନାହିଁ । ୫ମାସ ଧରି ରୋଗରେ ପିଡିତ ହୋଇ ବ୍ଲାକ୍ ପଙ୍ଗସ୍ ସହ ଜୀବନ ଜିଇବାର ସଂଘର୍ଷ କରୁଛନ୍ତି ଗୁଜୁରାଟ ରାଜକୋଟ ଅଞ୍ଚଳର ବିମଲ ଦୋଷୀ । ସୂଚନାନୁସାରେ, ବିମଲ ଦୋଷୀଙ୍କୁ ନଭେମ୍ବର ମାସରେ ସେ କରୋନା ଆକ୍ରାନ୍ତ ହୋଇ ଚିକିତ୍ସିତ ହୋଇଥିଲେ । କରୋନାରୁ ସୁସ୍ଥ ହେବା ପରେ ଅକ୍ସିଜେନ୍ ସ୍ତର କମିଥିଲା । ଅକ୍ସିଜେନ୍ ଦେବା ସହ ଷ୍ଟେରଏଡ ବି ଦିଆଯାଇଥିଲା । ସେଥିପାଇଁ ତାଙ୍କ ନାକରୁ ବ୍ଲାକ୍ ପଙ୍ଗସ୍ ଚିହ୍ନଟ ହୋଇଥିଲା । ସେଥିପାଇଁ ତାଙ୍କ ନାକ, ଆଖି ଅପରେସନ୍ କରିଥିଲେ ମଧ୍ୟ କିଛି ସୁଫଳ ମିଳିନଥିଲା । ହେଲେ ଇନଫେକ୍ସନ୍ ନ କମିବାରୁ ମସ୍କିକରେ ଅପରେସନ୍ କରାଗଯାଇଥିଲା । ଏମିତି ବାରମ୍ବାର ସର୍ଜରୀ ହେବା ଦ୍ୱାରା ରୋଗ କମୁନଥିବା ବେଳେ ଆହୁରୀ ଅପରେସନ୍ ହେବା ପାଇଁ ଡାକ୍ତର ପରାମର୍ଶ ଦେଇଛନ୍ତି । ହେଲେ ଅପରେସନ୍ କରି କରି ବିମଲଙ୍କ ପାଖରେ ଯାହା ଅର୍ଥ ଥିଲା ସବୁ ଶେଷ ହୋଇଗଲାଣି । ବିମଲଙ୍କ ପତ୍ନୀ କହିବାନୁସାରେ, ବିମଲଙ୍କୁ ମ୍ୟୁୁକୋର ମାଇକ୍ସ ସହ ଫାଇଟ୍ କରିବା ପାଇଁ ୩୯ଟି ଇଞ୍ଜେକସନ୍ ଦିଆଯାଇଛି । ୬ଥର ଅପରେସନ ସରିଲାଣି ତଥାପି ବ୍ଲାକ୍ ପଙ୍ଗସ୍ ପିଛା ଛାଡୁନି । ଆଉ ଥରେ ଅପରେସନ୍ କରାଯିବ ସେଥିପାଇଁ ୧୦ରୁ ୧୫ଲକ୍ଷ ଅର୍ଥ ଲାଗିବ ବୋଲି ଚାନ୍ଦନୀ କହିଛନ୍ତି ।
