ନିଶ୍ଚିତକୋଇଲି, (ବାଘୁଆବାର୍ତ୍ତା): ପଂଚାୟତ ନିର୍ବାଚନ ଯେତିକି ପାଖେଇ ଆସୁଛି କର୍ମୀମାନଙ୍କର ଦଳ ବଦଳ ସେତିକି ବୃଦ୍ଧି ପାଉଛି । କଟକ ଜିଲ୍ଲା ମାହାଙ୍ଗା ନିର୍ବାଚନ ମଣ୍ଡଳୀ ନିଶ୍ଚିନ୍ତକୋଇଲି ବ୍ଲକର ଜମରା ଓ ଓରତି ପଂଚାୟତରୁ ୧୦୦ରୁ ଉର୍ଦ୍ଧ୍ବ ବିଜେପି କର୍ମୀ ଦଳ ଛାଡ଼ି ବିଜେଡ଼ିରେ ଯୋଗ ଦେଇଛନ୍ତି । ବିଜେପି ନେତା ଆଶୁତୋଷ ତ୍ରିପାଠୀଙ୍କ ନେତୃତ୍ବରେ ବିଜେପି ଦଳ ଛାଡ଼ି ମନ୍ତ୍ରୀ ପ୍ରତାପ ଜେନାଙ୍କ ଉପସ୍ଥିତିରେ ବିଜେଡ଼ିରେ ଯୋଗ ଦେଇଛନ୍ତି । ଏହି ଅବସରରେ ଓରତିଠାରେ ଥିବା କୈଳାସ ମଣ୍ଡପ ପରିସରରେ ପୂର୍ବତନ ବ୍ଲକ୍ ଅଧ୍ୟକ୍ଷ ଗିରିଶ ରଞ୍ଜନ ମହାପାତ୍ରଙ୍କ ସଭାପତିତ୍ବରେ ବିଜେଡ଼ି ମିଶ୍ରଣ ସମାବେଶ ଅନୁଷ୍ଠିତ ହୋଇଯାଇଛି । ବିଜେପି ଦଳର ନେତା ଓ ନୀତିହୀନ କାର୍ୟ୍ୟକ୍ରମରେ କର୍ମୀମାନେ ଅତିଷ୍ଠ ହେବା ସହ ନବୀନ ପଟ୍ଟନାୟକଙ୍କ ଲୋକାଭିମୁଖୀ, ଜନକଲ୍ୟାଣ କାର୍ୟ୍ୟକ୍ରମ ଓ ମନ୍ତ୍ରୀ ପ୍ରତାପ ଜେନାଙ୍କ ବଳିଷ୍ଠ ନେତୃତ୍ବ ପ୍ରତି ଆସ୍ତା ପ୍ରକଟ କରି ବିଜେଡ଼ିରେ ସାମିଲ ହୋଇ ଆଗାମୀ ଦିନରେ ବିଜେଡ଼ି ଦଳକୁ ଅଧିକ ସୁଦୃଢ଼ ହେବାକୁ ନବାଗତ କର୍ମୀମାନେ ମତ ବ୍ୟକ୍ତ କରିଛନ୍ତି ।
