ଓଡ଼ଗାଁ, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ମହିଳା ଜନତା ଦଳକୁ ତୃଣମୂଳସ୍ତରରୁ ଅଧିକ ସୁଦୃଢ, କ୍ରିୟାଶୀଳ ତଥା ମଜବୁତ କରିବା ନିମନ୍ତେ ନବନିଯୁକ୍ତ ଜିଲ୍ଲା ସଭାପତି ବିରଜାଲକ୍ଷ୍ମୀ ସାହୁ ଆଜି ବ୍ଲକ ଏବଂ ଏନ.ଏ.ସି ସ୍ତରୀୟ ସଭାପତିଙ୍କ ନାମ ଘୋଷଣା କରିଛନ୍ତି । ଜିଲ୍ଲାର ୮ଟି ବ୍ଲକ, ୪ଟି ଏନ.ଏ.ସି ଏବଂ ଗୋଟିଏ ମ୍ୟୁନିସପାଲିଟି ପାଇଁ ସଭାପତି ଚୟନ କରାଯାଇଅଛି । ସୂଚନାନୁସାରେ ନୟାଗଡ଼ ମ୍ୟୁନିସିପାଲଟି ପୁଷ୍ପାଞ୍ଜଳି ମହାପାତ୍ର, ବ୍ଲକ ସୁମତି ପରିଡା, ଓଡ଼ଗାଁ ଏନ.ଏ.ସି ସୁନିତା ମହାପାତ୍ର, ବ୍ଲକ ନିବେଦିତା ଦାସ, ରଣପୁର ଏନ.ଏ.ସି ଜୟନ୍ତୀ ମହାରଣା, ବ୍ଲକ ନର୍ମଦା କୁମାରୀ ରାୟ, ଦଶପଲ୍ଲା ଏନ.ଏ.ସି ବବିତା ସାହୁ, ବ୍ଲକ ସୁନନ୍ଦା ସାହୁ, ଖଣ୍ଡପଡ଼ା ଏନ.ଏ.ସି ପ୍ରତିମା ପ୍ରଧାନ, ବ୍ଲକ ବୀଣାପାଣି ବେହେରା, ନୂଆଗାଁ ବ୍ଲକ ରୁନୁଵାଳା ମହାପାତ୍ର, ଗଣିଆ ବ୍ଲକ ବୈଜୟନ୍ତି ବେହେରା, ଭାପୁର ବ୍ଲକ ସାଇରୀନ୍ଧ୍ରି ସାହୁ ପ୍ରମୁଖ ନିଯୁକ୍ତ ହୋଇଛନ୍ତି । ନବନିଯୁକ୍ତ କର୍ମକର୍ତ୍ତାଗଣ ଜିଲ୍ଲା ସଭାପତି ବିରଜା ଲକ୍ଷ୍ମୀ ସାହୁଙ୍କୁ କୃତଜ୍ଞତା ଜ୍ଞାପନ କରିବା ସହିତ ଧନ୍ୟବାଦ ଅର୍ପଣ କରିଛନ୍ତି ।
