ନୟାଗଡ଼, (ବାଘୁଆବାର୍ତ୍ତା); ଶକ୍ତି ଶାଳୀ ହେଉଛି ବିଜେଡ଼ିର ଚମ୍ପତ୍ତିପୁର ପଞ୍ଚାୟତ । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁଙ୍କ ସ୍ୱଛ ଶାସନ, ନିର୍ମଳ ଭାବମୂର୍ତ୍ତିରେ ଅନୁପ୍ରାଣିତ ହୋଇ ଚମ୍ପତ୍ତିପୁର ପଞ୍ଚାୟତର ଦୁଇ ୱାର୍ଡ ମେମ୍ବରଙ୍କ ସହ ବିଜେପି ସମର୍ଥିତ ସମିତିସଭ୍ୟ ପ୍ରାର୍ଥୀ ଓ ଛାମୁଆ କର୍ମୀ ଆଜି ସନ୍ଧ୍ୟା ବିଜୁ ଜନତା ଦଳ କାର୍ଯ୍ୟାଳୟରେ ପହଞ୍ଚି ବିଧିବଦ୍ଧ ଭାବେ ବିଜେଡ଼ି ଯୋଗ ଦେଇଛନ୍ତି । ବିଜେପି ସମର୍ଥିତ ସମିତିସଭ୍ୟ ପ୍ରାର୍ଥୀ ରମାକାନ୍ତ ବେହେରା, ୭ନଂ ୱାର୍ଡ ମେମ୍ବର ଘନଶ୍ୟାମ ରଥ, ୮ନଂ ୱାର୍ଡ ମେମ୍ବର ନକୁଳ ଲେଙ୍କା ସହ ବିଜେପି ଛାମୁଆ କର୍ମୀ ଜିତେନ୍ଦ୍ର ସାଥୁଆ, ଶରତ ବରାଡ, ଭାସ୍କର ସେଠୀ, ଜଗନ ନାୟକ, ପ୍ରସନ୍ନ କୁମାର ଚମ୍ପତ୍ତରାୟ, ଶଙ୍କର ସ୍ୱାଇଁଙ୍କୁ ବିଧାୟକ ଡ଼ ସାହୁ ପୁଷ୍ପଗୁଛ ଓ ଦଳୀୟ ଉତ୍ତରୀୟ ଦେଇ ସ୍ୱାଗତ କରିଥିଲେ ।
ଆଗାମୀ ଦିନରେ ଚମ୍ପତ୍ତିପୁର ପଞ୍ଚାୟତରେ ବିଜୁ ଜନତା ଦଳକୁ ଶକ୍ତିଶାଳୀ କରିବା ସହ ପଞ୍ଚାୟତର ବିକାଶ ପାଇଁ କିପରି ବିଭିନ୍ନ ଉନ୍ନୟନ ମୁଳକ କାର୍ଯ୍ୟ ହେଇପାରିବ ସେ ନେଇ ବିଧାୟକଙ୍କ ସହ ଆଲୋଚନା କରିଛନ୍ତି ।ଏଭଳି କାର୍ଯ୍ୟକ୍ରମରେ ଚମ୍ପତ୍ତିପୁର ପଞ୍ଚାୟତର ପର୍ଯ୍ୟବେକ୍ଷକ ପଦ୍ମଚରଣ ଉଦୟଭାନୁ, ପୂର୍ବତନ ସରପଞ୍ଚଙ୍କ ପ୍ରତିନିଧି ବାଞ୍ଝାନିଧି ବେହେରା, ତପନ ସ୍ୱାଇଁ ଓ ଅଶୋକ ରାଉତ ଉପସ୍ଥିତ ଥିଲେ ।
