ପିପିଲି ଉପନିର୍ବାଚନ:ବିଜେଡ଼ି ଓ କଂଗ୍ରେସ ପକ୍ଷରୁ ପ୍ରାର୍ଥୀପତ୍ର ଦାଖଲ

ପୁରୀ,(ବାଘୁଆବାର୍ତ୍ତା): ଆଜି ଥିଲା ପିପିଲି ଉପନର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ କରିବାର ଶେଷ ତାରିଖ ଥିବା ବେଳେ ଉଭୟ ବିଜେଡ଼ି ଓ କଂଗ୍ରେସ ସମର୍ଥୀତ ପ୍ରାର୍ଥୀ ପ୍ରାର୍ଥୀପତ୍ର ଦାଖଲ କରିଛନ୍ତି । ବିଜେଡ଼ିରୁ ସ୍ୱର୍ଗତ ପ୍ରଦୀପ ମହାରଥୀଙ୍କ ପୁଅ ରୁଦ୍ର ପ୍ରତାପ ମହାରଥୀ ପିପିଲି ଜନ୍ମମାଟିରୁ ନିଜର ସମର୍ଥକଙ୍କ ଗହଣରେ ଏକ ଶୋଭାଯାତ୍ରାରେ ଯାଇ ପୁରୀ ଅତିରିକ୍ତ ଜିଲ୍ଲାପାଳଙ୍କ ପାଖରେ ପ୍ରାର୍ଥୀପତ୍ର ଦାଖଲ କରିଛନ୍ତି । ନିର୍ବାଚନରେ ବାପାଙ୍କ ଅଧୁରା ଥିବା ସ୍ୱପ୍ନ ପିପିଲି-ଡେଲାଙ୍ଗ ବାସୀଙ୍କ ପାଇଁ ପୁରଣ କରିବି ଏହା ମୋର ପ୍ରଥମ ଲକ୍ଷ । ପିପିଲି-ଡେଲାଙ୍ଗ ଜନସାଧାରଣଙ୍କ ଅକୁଣ୍ଠ ଭଲ ପାଇବା ମୋ ଉପରେ ଅଛି । ମାଆଙ୍କ ଆର୍ଶୀବାଦ ମୋ ମଥାରେ ଅଛି ବୋଲି ବିଜେଡ଼ି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ କହିଛନ୍ତି । ସେହିଭଳି କଂଗ୍ରେସର ପ୍ରାର୍ଥୀ ଅଜିତ୍ ମଙ୍ଗରାଜ ମଧ୍ୟ ଆଜି ଶେଷ ଦିନରେ ପ୍ରାର୍ଥୀପତ୍ର ଦାଖଲ କରିଛନ୍ତି । କଂଗ୍ରେସ ସମର୍ଥକ ମାନଙ୍କୁ ନେଇ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ପତ୍ର ଦାଖଲ କରିଛନ୍ତି । ଏହା ପୂର୍ବରୁ ଅଜିତ ୨୦୧୯ ନିର୍ବାଚନରେ କଂଗ୍ରେସ ଦଳ ପକ୍ଷରୁ ଲଢିଥିଲେ ।