ଏନଏସି ଓ ୩ ବ୍ଲକ୍ ସ୍ତରରେ ଯୁବ ବିଜେଡ଼ି କର୍ମକର୍ତ୍ତାଙ୍କ ନାମ ଘୋଷଣା

ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଦଶପଲ୍ଲା ନିର୍ବାଚନ ମଣ୍ଡଳୀ ଅଧିନରେ ଥିବା ଏନଏସି, ବ୍ଲକ୍ ଓ ପଞ୍ଚାୟତ ସ୍ତରୀୟ ଯୁବ ବିଜେଡ଼ିର କର୍ମକର୍ତ୍ତାଙ୍କ ନାମ ଘୋଷଣା କରାଯାଇଛି । ଜିଲ୍ଲା ବିଜେଡ଼ି ସଭାପତି ତଥା ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରାଙ୍କ ପରାମର୍ଶ କ୍ରମେ ଆଜି ବିଜୁ ଯୁବ ଜନତା ଦଳର ଜିଲ୍ଲା ସଭାପତି ରମେଶ କୁମାର ସାହୁଙ୍କ ଆବାସିକ କାର୍ୟ୍ୟାଳୟ ପରିସରରେ ଦଶପଲ୍ଲା ବ୍ଲକ୍, ନୂଆଗାଁ ବ୍ଲକ୍ ଓ ଗଣିଆ ବ୍ଲକ୍ ସ୍ତରରେ ଥିବା ପଞ୍ଚାୟତ ଓ ଦଶପଲ୍ଲା ଏନଏସି ସ୍ତରରେ ୱାର୍ଡ ସ୍ତରରେ ବିଜୁ ଯୁବ ଜନତା ଦଳର କର୍ମକର୍ତ୍ତା ଘୋଷଣା କରାଯିବା ସହ ପଞ୍ଚାୟତ ସ୍ତରୀୟ ସୋସିଆଲ ମିଡିଆ ଓ ଏନଏସି ସ୍ତରରେ ଥିବା ୱାର୍ଡ ଗୁଡିକରେ ମଧ୍ୟ ସୋସିଆଲ ମିଡିଆର କର୍ମକର୍ତ୍ତା ଚୟନ କରାଯାଇ ନାମ ଘୋଷଣା କରାଯାଇଛି । ଏହି ନାମାଙ୍କନ ଘୋଷଣା କାର୍ୟ୍ୟକ୍ରମରେ ଦଶପଲ୍ଲା ବିଜୁ ଯୁବ ଜନତା ଦଳର ବ୍ଲକ୍ ସଭାପତି ଅଞ୍ଜନ ପ୍ରଧାନ, ନୂଆଗାଁ ବିଜୁ ଯୁବ ଜନତା ଦଳ ବ୍ଲକ୍ ସଭାପତି ଶୁଭ୍ରାଂଶୁ ସେନାପତି ଓ ବିଜୁ ଯୁବ ଜନତା ଦଳର ଜିଲ୍ଲା ଉପସଭାପତି ସନୋକ କୁମାର ସାହୁ ପ୍ରମୁଖ ଉପସ୍ଥିତ ଥିଲେ ।