ଦିନିକିଆରେ ସଚିନଙ୍କ ସମକକ୍ଷ ହେଲେ କୋହଲି

କୋଲକତା, (ବାଘୁଆବାର୍ତ୍ତା): ଚଳିତ ବିଶ୍ୱକପରେ ଦକ୍ଷିଣଆଫ୍ରିକା ଓ ଭାରତ ମଧ୍ୟରେ ଚାଲିଥିବା ମ୍ୟାଚରେ ଭାରତର ପୂର୍ବତନ କ୍ୟାପଟେନ ବିରାଟ କୋହଲି ଆଜି ଦିନିକିଆରେ ଶତକ ପୁରଣ କରି ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ସମକକ୍ଷ ହୋଇପାରିଛନ୍ତି । ଆଜି ବିରାଟ କୋହଲିଙ୍କ ଜନ୍ମ ଦିନରେ କୋଲକତାରେ ହେଉଥିବା ମ୍ୟାଚରେ ଦକ୍ଷିଣ ଆଫ୍ରିକା ଓ ଭାରତ ମୁହାଁମୁହିଁ ହୋଇଥିଲେ । ତେବେ କୋହଲିଙ୍କ ଜନ୍ମ ଦିନରେ କୋହଲି ୧୧୯ ବଲରେ ୧୦୦ ରନ କରି ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କ ଦିନିକିଆରେ ୪୯ ତମ ଶତକ ସହ ସମକକ୍ଷ ହୋଇଛନ୍ତି । ଏହାକୁ ନେଇ ବିଭିନ୍ନ ମହଲରେ ଶୁଭେତ୍ସାର ସୁଅ ଛୁଟିଛି ।