ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ଦେଶବ୍ୟାପୀ କରୋନାର ଭୟାବହତା ଲାଗିରହିଥିବା ବେଳେ ରାଜ୍ୟ ସରକାର କରୋନା ପାଇଁ ବ୍ୟାପକ ପ୍ରସ୍ତୁତି କରିଛନ୍ତି । ସରକାରଙ୍କ ନୀତିନିୟମକୁ ଯିଏ ଅମାନିଆ ହୋଇଛନ୍ତି ସେମାନଙ୍କୁ ତଣ୍ଡ ଗଣିବାକୁ ପଡୁଛି । ନୟାଗଡ଼ ଜିଲ୍ଲା ପ୍ରଶାସନ ପକ୍ଷରୁ ଅମାନିଆଁଙ୍କୁ ସାବାଡ୍ କରିବା ପାଇଁ ବିଭିନ୍ନ କଟକଣା ଲାଗୁ କରିଛନ୍ତି । ତଥାପି ସେମାନଙ୍କର ସୁଧାର ଆସୁନାହିଁ । ଗତକାଲି ନୟାଗଡ଼ ବସ୍ଷ୍ଟାଣ୍ଡ ଠାରେ ତହସିଲଦାର ଭିକାରୀ ଚରଣ ସାହୁଙ୍କ ନେତୃତ୍ୱରେ ବିନା ମାସ୍କପିନ୍ଧା ୩୯ଜଣଙ୍କ ଠାରୁ ୨୦୦ଟଙ୍କା ଲେଖାଏଁ ୭ହଜାର ୮ଶହ ଟଙ୍କା ଆଦାୟ କରିଥିଲେ । କିନ୍ତୁ ହଠାତ୍ ରାତିରେ ଦେଖାଗଲା ଅଦ୍ଭୁତ ଘଟଣା । ରାତ୍ରି ସମୟରେ ଏକ ସ୍କୁଟିରେ ଜଣେ ଯୁବକଙ୍କ ସହିତ ଜଣେ ଯୁବତୀ ବିନା ମାସ୍କରେ ବୁଲୁଥିଲେ । ନୟାଗଡ଼ ତହସିଲଦାର ଓ ପୁଲିସ୍ର ମିଳିତ ଚଢଉ କରିଥିଲେ । ଯୁବକ-ଯୁବତୀଙ୍କର ଯୁକ୍ତି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଯୁବତୀ ଜଣକ ଏକ ଘରୋଇ ସ୍କୁଲରେ ଶିକ୍ଷକତା କରୁଥିବା ଜଣାପଡ଼ିଛି । ଶେଷରେ ପୁଲିସ ବାଧ୍ୟହୋଇ ସ୍କୁଟିକୁ ଅଟକ ରଖି ଉଭୟ ଯୁବକ ଯୁବତୀଙ୍କ ଠାରୁ ୪୦୦ ଟଙ୍କା ଜୋରିମାନା ଆଦାୟ କରିଛନ୍ତି । ଯାହାକୁ ନେଇ ବୁଦ୍ଧିଜୀବୀ ମହଲରେ ବିଭିନ୍ନ ପ୍ରତିକ୍ରିୟା ସୃଷ୍ଟି କରିଛି ।
