ନୟାଗଡ଼, (ବାଘୂଆବାର୍ତ୍ତା): ନାଳରୁ ମାଛ ଧରିବା ବେଳେ ଏକ ଓଜନିଆ ସାମଗ୍ରୀ ଜାଲରେ ଲାଗିଥିଲା । ଯାହାକୁ ନେଇ ମାଛ ଧରୁଥିବା ବ୍ୟକ୍ତିମାନଙ୍କ ମନରେ ଶଙ୍କା ଦେଖା ଦେଇଥିଲା । ତେବେ ପାଣି ଭିତରେ ବୁଡି ଦେଖନ୍ତି ଜାଲରେ ଏକ ବାଇକ୍ ପଡିଛି । ଜାଲରେ ମାଛ ପଡିବା ବଦଳରେ ଏକ ବାଇକ୍ ପଡିବାକୁ ନେଇ ଉକ୍ତ ଅଞ୍ଚଳରେ ଜନସାମଗମ ହୋଇଥିଲା । କାହାର ଏ ବାଇକ୍? ନାଳ ଭିତରକୁ କେମିତି ଗଲା ଏଭଳି ନାନା ପ୍ରଶ୍ନ ସ୍ଥାନୀୟ ଜନସାଧାରଣଙ୍କ ମନରେ ସୃଷ୍ଟି ହୋଇଥିଲା । ଏଭଳି ଅଭାବନୀୟ ଘଟଣା ଦେଖା ଦେଇଛି ଭଦ୍ରକ ଜିଲ୍ଲା କାଞ୍ଜିଆପାଳ ଅଞ୍ଚଳରେ । ସୂଚନାନୁସାରେ, ଭଦ୍ରକ ଜିଲ୍ଲା ଧାମନଗର ବ୍ଲକ୍ ଅନ୍ତର୍ଗତ କାଞ୍ଜିଆପାଳ ଗ୍ରାମ ନିକଟରେ ଥିବା ଆମ୍ବନାଳରୁ ଆଜି ମାଛ ଧରିବା ପାଇଁ ନାଳରେ ଜାଲ ପଡିଥିବା ବେଳେ ଜାଲ ଭିଡାଳିମାନେ ଯେତେ ବେଳେ ଜାଲ ଭିଡିଲା ବେଳେ ଜାଲରେ ଏକ ଉଜନିଆ ସାମଗ୍ରୀ ଲାଗିଥିଲା । ତେବେ କଣ ଲାଗିଛି ଦେଖିଲା ବେଳକୁ ଏକ ହିରୋହୁଣ୍ଡା ସ୍ପେଣ୍ଡର ପ୍ଲସ୍ ଗାଡି ଲାଗିଥିବା ଦେଖିବାକୁ ପାଇଥିଲେ ଏବଂ ବାଇକ୍ ଉଦ୍ଧାର କରି ନାଳ ଉପରକୁ ଆଣିଥିଲେ । ତେବେ କାହାର ଏ ବାଇକ୍ ବୋଲି ସ୍ପଟ ଜଣାପଡିନଥିବା ବେଳେ ବାଇକକୁ ଦେଖୀବା ପାଇଁ ସ୍ଥାନୀୟ ଲୋକ ରୁଣ୍ଢ ହୋଇଥିବା ଜଣାପଡିଛି ।
