ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଟାଉନ ଥାନା ପୁଲିସକୁ ମିଳିଛି ବଡ଼ ସଫଳତା । ବାଇକ୍ ଚୋରି କରିଥିବା ଯୁବକକୁ ଗିରଫ କରିବା ସହ ତାଙ୍କ ଠାରୁ ଦୁଇ ଗୋଟି ବାଇକ୍ ଜବତ କରାଯାଇଛି । ସୁଚନାନୁସାରେ ସଦର ଥାନା ଅନ୍ତର୍ଗତ କଇଥିଗାଡିଆ ଗ୍ରାମର ରମେଶ ଚନ୍ଦ୍ର ଲେଙ୍କା ଗତ ୮ ତାରିଖ ଦିନ ତାଙ୍କ ବାଇକ୍ ଧରି ନୟାଗଡ଼ ଖେଳ ପଡିଆକୁ ସକାଳ ୮ଟା ସମୟରେ ଆସିଥିଲେ । ଖେଳ ସାରି ୯ଟା ବେଳକୁ ଦେଖିବା ବେଳକୁ ତାଙ୍କ ଗାଡି ନମ୍ବର ଓଡି-୦୨ଭି ୨୩ ୯୬ ସେଠାରେ ନଥିଲା । ସେ ଆସି ନୟାଗଡ଼ ଟାଉନ ଥାନାରେ ଏତଲା ଦେଇଥିଲେ । ପୁଲିସ ପକ୍ଷରୁ କେସ୍ ନଂ – ୨୫୮ ରେ ମାମଲା ରୁଜୁ କରାଯାଇ ତଦନ୍ତ କରାଯାଇଥିଲା । ଖଣ୍ଡପଡ଼ା ଥାନା ଅନ୍ତର୍ଗତ ଇଛାପୁର ଗ୍ରାମର ଜିତେନ୍ଦ୍ର ନାୟକ ଏହି ଗାଡିଟିକୁ ଚୋରି କରିଥିବା ଜଣା ପଡିଥିଲା । ଉକ୍ତ ଗାଡି ସହ ଖୋର୍ଦ୍ଧା ଅଞ୍ଚଳରୁ ଚୋରି ହୋଇଥିବା ଆଉ ଗୋଟିଏ ବାଇକ୍କୁ ପୁଲିସ ଜବତ କରିଛି । ଉକ୍ତ ଯୁବକକୁ ଗିରଫ କରିବା ସହ କୋର୍ଟ ଫରୁୱାର୍ଡ କରାଯାଇଛି ।





