ଓଡ଼ଗାଁ(ବାଘୁଆବାର୍ତ୍ତା): ଓଡ଼ଗାଁ ଆଦର୍ଶ ଥାନା ଅନ୍ତର୍ଗତ ରୋହିବାଙ୍କ ଆଶ୍ରମଠାରେ ଦୁଇ ବାଇକ ଧସ୍ତାଧସ୍ତି ହୋଇ ଘଟଣାସ୍ଥଳରେ ଜଣଙ୍କର ଅବସ୍ଥା ଗୁରୁତ୍ୱପୂର୍ଣ୍ଣ ହୋଇଛି । ଗୁରୁତର ଜଣଙ୍କ ରୋହିବାଙ୍କ ଭଗବତୀପ୍ରସାଦଗ୍ରାମର ତ୍ରିନାଥ ନାୟକ(୪୫) ଅଟନ୍ତି । ଗୁରୁତର ତ୍ରିନାଥ ନିଜ ଟିଭିଏସ ଏକ୍ସଏଲ ଜ ଗାଡି ଯୋଗେ ନଂ ଓଡ଼ି-୨୫-ଜେ-୪୪୬୩ ଯୋଗେ ବଳରାମପୁର ସାହିରୁ ବାହାରୁଥିବା ବେଳେ ନୟାଗଡ଼ ବାଲୁଗାଁ ଅଞ୍ଚଳର ଠାଉରୀ ସ୍ୱାଇଁ ଓ ନୀଳମଣି ସ୍ୱାଇଁ ବଜାଜ ଡିସ୍କଭର ଗାଡି ନଂ ଓଆର-୦୭-ଏକ୍ସ ୪୪୬୩ ରେ ସମ୍ଭବପଟୁ ଆସୁଥିବାବେଳେ ମୁହାଁମୁହିଁ ଧକ୍କା ହେବାରୁ ଘଟଣା ସ୍ଥଳରେ ତ୍ରିନାଥଙ୍କ ଅବସ୍ଥା ଗୁରୁତର ହୋଇଛି । ଠାଉରୀ ଓ ନିଳମଣି ଅବସ୍ଥା ଭଲ ଅଛି । ଘଟଣା ସ୍ଥଳରେ ଓଡ଼ଗାଁ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ଗୁରୁତରଙ୍କୁ ଉଦ୍ଧାର କରି ଓଡ଼ଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସେମାନଙ୍କର ପ୍ରାଥମିକ ଚିକିତ୍ସା ଚାଲିଥିବାବେଳେ, ଓଡ଼ଗାଁ ଆଦର୍ଶ ଥାନା ଅଧିକାରୀ ପ୍ରଜ୍ଞାପାରମିତା ଜେନା ଘଟଣାସ୍ଥଳରେ ପହଞ୍ଚି ପ୍ରାରମ୍ଭିକ ଅନୁସନ୍ଧାନ କାର୍ୟ୍ୟ ଆରମ୍ଭ କରିଛନ୍ତି । ଗୁରୁତର ତ୍ରିନାଥଙ୍କୁ ନୟାଗଡ଼ ମୁଖ୍ୟ ଚିକିତ୍ସାଳୟକୁ ପଠାଯାଇଛି ।
