ଜେଏନୟୁ ହିଂସା ଘଟଣା
ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ଜବାହରଲାଲ ନେହେରୁ ବିଶ୍ୱବିଦ୍ୟାଳୟରେ ଚାଲିଥିବା ହିଂସାକାଣ୍ଡକୁ ନେଇ ଦେଶବ୍ୟାପି ତୀବ୍ର ପ୍ରତିକ୍ରିୟା ପାଇଥିବା ବେଳେ ବିଭିନ୍ନ ବିଶ୍ୱବିଦ୍ୟାଳୟରେ ଛାତ୍ରଛାତ୍ରୀମାନେ ବିକ୍ଷୋଭ ପ୍ରଦର୍ଶନ କରିଛନ୍ତି । କେବଳ ଭାରତ ନୁହେଁ ଅନ୍ୟଦେଶରେ ମଧ୍ୟ ଏହାର ପ୍ରତିବାଦ ଦେଖିବାକୁ ମିଳିଲାଣି । ବିଭିନ୍ନ ବିଶ୍ୱବିଦ୍ୟାଳୟରେ ଛାତ୍ର ଆନ୍ଦୋଳନ ଉତ୍ତେଜନା ଜାରି ରହିବା ସହିତ ବ୍ୟାପକ ପୋଲିସ ମୁତୟନ କରାଯାଇଥିବା ଜଣାପଡିଛି । ନୟାଗଡ଼ ବିଜୁ ଛାତ୍ରଜନତା ଦଳ ସଭାପତି ନୀଳମାଧବ ପଣ୍ଡାଙ୍କ ନେତୃତ୍ତ୍ୱରେ ଜେଏନୟୁ ଛାତ୍ରଛାତ୍ରୀ ଏବଂ ପ୍ରାଧ୍ୟାପକଙ୍କ ଉପରେ ହେଉଥିବା ବର୍ବରୋଚିତ ଆକ୍ରମଣର ଦୃଢ଼ ନିନ୍ଦା କରାଯିବା ସହିତ ଅନେକ ଛାତ୍ରଛାତ୍ରୀ ସାମିଲ ହୋଇଥିଲେ । ଜେଏନୟୁ ପରିସରରେ ଶାନ୍ତି ଆଣିବା ପାଇଁ ପ୍ରତିବାଦ କରିଛନ୍ତି । ଏଥିରେ ବିଜୁ ଛାତ୍ର ଜନତା ଦଳର ଜିଲ୍ଲା ଉପସଭାପତି ଆଦିତ୍ୟନାରାୟଣ ସାହୁଙ୍କ ସମେତ ବହୁ ଛାତ୍ର ଅଂଶଗ୍ରହଣ କରିଥିଲେ ।
