ନୟାଗଡ଼, (ବାଘୁଆବାର୍ତ୍ତା) : ଖଣ୍ଡପଡ଼ା ବିଦ୍ୟୁତ୍ ବିଭାଗ କର୍ତୃପକ୍ଷଙ୍କ ଖାମଖିଆଲି ନୀତି ଯୋଗୁଁ ଜନଗହଳିପୂର୍ଣ୍ଣ ସ୍ଥାନ ଗୁଡ଼ିକରେ ବିପଦ ଶଙ୍କୁଳ ଅବସ୍ଥାରେ ଉଚ୍ଚ ଶକ୍ତି ସମ୍ପନ୍ନ ବିଦ୍ୟୁତ୍ ତାର ଗୁଡିକ ବର୍ଷବର୍ଷ ଧରି ତଳକୁ ଝୁଲିରହିଛି । ଫଳରେ ପ୍ରତି ମୁହୁର୍ତରେ ବିପଦର ଆଶଙ୍କା ରହିଥିଲେ ହେଁ ଏଥିପ୍ରତି କର୍ତୃପକ୍ଷ ଦୃଷ୍ଟି ନଦେଇ ନୀରବଦ୍ରଷ୍ଟା ସାଜିଥିବା ଅଭିଯୋଗ ହେଉଛି । ଖଣ୍ଡପଡ଼ା ସହରର ଡାକ୍ତରଖାନା ଛକଠାରୁ ରଥଗଡ଼ା ଛକକୁ ସଂଯୋଗ କରୁଥିବା ରାସ୍ତାର ଉଭୟ ପାଶ୍ୱର୍ରେ ଅସଜଡ଼ା ଅବସ୍ଥାରେ ବିଦ୍ୟୁତ୍ ତାର ତଳକୁ ଝୁଲି ରହିଥିବା ବେଳେ ଖଣ୍ଡପଡ଼ା ସହର ବଢ଼େଇସାହିର ଜନୈକ ବ୍ୟକ୍ତିଙ୍କ ବାସଗୃହ ପାଶ୍ୱର୍ ଦେଇ ଯାଇଥିବା ଉଚ୍ଚଶକ୍ତି ସମ୍ପନ୍ନ ବିଦ୍ୟୁତ୍ ତାର ତଳକୁ ଝୁଲି ରହିଛି । ବାରମ୍ବାର ଦାବି ସତ୍ୱେ ମଧ୍ୟ ସେସୁ କର୍ତୃପକ୍ଷ ଏଥିପ୍ରତି ଦୃଷ୍ଟି ନଦେବାରୁ ପରିଶେଷରେ ଗୃହକର୍ତା ଜଣଙ୍କ ବାଧ୍ୟ ହୋଇ ୨ଟି କାଠ ଟଣକା ସହାୟତାରେ ବିଦ୍ୟୁତ୍ ତାରକୁ ଟେକି ରଖିଥିବା ନଜରକୁ ଆସୁଛି ।
