ନୟାଗଡ଼, (ବାଘୁଆବାର୍ତ୍ତା) : ବର୍ଦ୍ଧିତ ବିଦ୍ୟୁତ୍ ଶୁଳ୍କ ପ୍ରତ୍ୟାହାର ଦାବିରେ ନୟାଗଡ଼ ବିଦ୍ୟୁତ୍ ଡିଭିଜନ୍ ସମ୍ମୁଖରେ ବିଦ୍ୟୁତ୍ ଉପୋଭକ୍ତା କମିଟି ଆହ୍ୱାନ କ୍ରମେ ଆଜି ପ୍ରତିବାଦରେ ଗଣଧାରଣା ଅନୁଷ୍ଠିତ ହୋଇଯାଇଛି । କମିଟିର ଆବାହକ ତଥା ସିପିଆଇଏମ୍ ନେତା ବିଶ୍ୱନାଥ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଧାରଣାରେ ଏସ୍.ଏ କରିମ, ସହଦେବ ଡାକୁଆ, ରାଜକିଶୋର ପ୍ରଧାନ, ବୁଦ୍ଧି ନାୟକ, ବିଭୂତି ପଟ୍ଟନାୟକ, ସୁବାସ ଚନ୍ଦ୍ର ବେହେରା ପ୍ରମୂଖ ନେତୃତ୍ୱମାନେ ଧାରଣା ଦେଇଥିଲେ । କେନ୍ଦ୍ର ସରକାରଙ୍କ ଘରୋଇ କରଣ ନୀତି, ବିଦ୍ୟୁତ୍ ବିଲ୍ ବୃଦ୍ଧି, ଓଡ଼ିଶା ସରକାର ଟାଟା କମ୍ପାନୀକୁ ବିଦ୍ୟୁତ୍ ବ୍ୟବସ୍ଥାକୁ ହସ୍ତାନ୍ତର କରିବା ଏବଂ କମ୍ପାନୀ ଦ୍ୱାରା ଅହେତୁକ ଭଡ଼ା ବୃଦ୍ଧିର ସମାଲୋଚନା କରିଥିଲେ । ବର୍ଦ୍ଧିତ ବିଦ୍ୟୁତ୍ ଦର ପ୍ରତ୍ୟାହୃତ ନହେଲେ ଏପ୍ରିଲ ଶେଷ ସପ୍ତାହରେ ଆଇନ ଅମାନ୍ୟ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଥିଲେ । ଏହି ମର୍ମରେ ମୁଖ୍ୟମନ୍ତ୍ରୀଙ୍କୁ ଏକ ସ୍ମାରକ ପତ୍ର ବିଦ୍ୟୁତ୍ ବିଭାଗ କାର୍ଯ୍ୟ ନିର୍ବାହୀ ଯନ୍ତ୍ରୀଙ୍କ ମାଧ୍ୟମରେ ପ୍ରଦାନ କରାଯାଇଛି ।
