ନୟାଗଡ଼, (ବାଘୁଆବାର୍ତ୍ତା): ଓଡ଼ିଶାର ଅନ୍ୟତମ ସାଲବେଗ ଭିକାରି ମହମ୍ମଦ ଜୀବନ ଯୁଦ୍ଧରେ ହାରିଗଲେ l କଟକ ବଡ଼ ମେଡିକାଲରେ କିଛି ଦିନ ଧରି କୋମାରେ ଥାଇ ଚିକିତ୍ସାଧିନ ଥିବା ବେଳେ ତାଙ୍କର କୋଭିଡ ପଜିଟିଭ ବାହାରିଥିଲା l ଆଜି ଭୋର ସମୟରେ ତାଙ୍କ ମୃତ୍ୟୁ ଘଟିଥିବା ସୂଚନା ମିଳିଛି l ଭିନ୍ନ ସମ୍ପ୍ରଦାୟର ହେଲେ ମଧ୍ୟ ସେ ମହାପ୍ରଭୁ ଶ୍ରୀଜଗନ୍ନାଥଙ୍କ ପରମ ଭକ୍ତ। ଯବନ ହୋଇ ମଧ୍ୟ ଖଣ୍ଡପଡା ଶ୍ରୀଜଗନ୍ନାଥ ମନ୍ଦିର ମୁକ୍ତି ମଣ୍ଡପରେ ଜୀବନ ସାରା ଜଗନ୍ନାଥଙ୍କ ଭଜନ ଜଣାଣ ପରିବେଷଣ କରି ଅପାର ଆତ୍ମସନ୍ତୋଷ ଲାଭ କରିବା ସହ ଲୋକପ୍ରିୟତା ସାଉଁଟିଛନ୍ତି। ବିଭିନ୍ନ ମଞ୍ଚରେ ଶ୍ରୀଜଗନ୍ନାଥ ମହାପ୍ରଭୁଙ୍କ ଅନେକ ଭଜନ ଜଣାଣ ଗାଇ ସମଗ୍ର ରାଜ୍ୟରେ ପ୍ରସିଦ୍ଧି ଲାଭ କରିଥିଲେ l ତାଙ୍କର ଏହି ଅକାଳ ବିୟୋଗରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି l
