ବଡ଼ମ୍ବା, (ବାଘୁଆବାର୍ତ୍ତା): ବଡ଼ମ୍ବାର ଅଧିଷ୍ଟାତ୍ରୀ ଦେବୀ ମା ଭଟ୍ଟାରିକା ପୀଠ ଠାରେ ଜଣେ ଯୁବକ ମହାନଦୀରେ ଗାଧୋଉ ଥିବା ବେଳେ ବୁଡି ଯାଇଥିଲା । ତେବେ ଖବର ପାଇ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ଯୁବକଙ୍କୁ ଉଦ୍ଧାର କରି ବଡ଼ମ୍ବା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେକୁ ଚିକିତ୍ସା ପାଇଁ ନେଇଥିଲେ କିନ୍ତୁ ଡାକ୍ତର ସେଠି ଉକ୍ତ ଯୁବକଙ୍କୁ ମୃତ ଘୋଷଣା କରିଥିଲେ । ସୂଚନାନୁସାରେ, ବଡ଼ମ୍ବା ବ୍ଲକ ରତାପାଟ ସଡ଼କ ସାହିର ପ୍ରଫୁଲ ସେଠୀ(୨୭) କୌଣସି କାମରେ ମା ଭଟ୍ଟାରିକା ମନ୍ଦିର ଆଡେ ଯାଇ ମହାନଦୀରେ ଗାଧୋଇଥିଲେ । ଗାଧୋଉଥିବା ବେଳେ ମହାନଦୀରେ ବୁଡି ଯାଇଥିଲେ । ସ୍ଥାନୀୟ ଲୋକ ଦେଖି ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶବ କର୍ମଚାରୀମାନେ ପହଞ୍ଚି ଯୁବକଙ୍କୁ ନଦୀରୁ ଉଦ୍ଧାର କରି ମେଡିକାଲ ନେଇଥିଲେ । ସେଠାରେ ଡାକ୍ତର ମୃତ ଘୋଷଣା କରିଥିବା ବେଳେ ଯୁବକଙ୍କ ଶବ ବେବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ସେପଟେ ଯୁବକଙ୍କ ଗାଁରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଥିବା ଜଣାପଡିଛି ।
