ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲା ଭାପୁର ବ୍ଲକରେ ବ୍ୟାପକ ଅନିୟମିତତା ଓ ଅବ୍ୟବସ୍ଥାକୁ ନେଇ ୪୧ଜଣ ବରିଷ୍ଠ ନେତା, ସରପଂଚ ଓ ସମିତିସଭ୍ୟ ଭାପୁର ବ୍ଲକ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସିଛନ୍ତି । ଆନ୍ଦୋଳନ ସ୍ଥଳକୁ ଭାପୁର ତହସିଲଦାର ଶ୍ରୀମତୀ ସୁନିତା ଜେନାଙ୍କ ଆସି ଆନ୍ଦୋଳନ ପ୍ରତ୍ୟାହାର କରିବା ପାଇଁ ସେମାନଙ୍କୁ ଅନୁରୋଧ କରିଥିଲେ । ମାତ୍ର, ଅତିରିକ୍ତ ବିଡ଼ିଓଙ୍କ ତୁରନ୍ତ ବଦଳି ନକରାଯିବା ପର୍ଯ୍ୟନ୍ତ ଏବଂ ଉପସ୍ଥାପନ କରାଯାଇଥିବା ଦାବୀ ଗୁଡ଼ିକ ସମ୍ପର୍କରେ ଉପଯୁକ୍ତ ତଦନ୍ତ ଏବଂ କାର୍ଯ୍ୟାନୁଷ୍ଠାନ ପୂରଣ କରାନଯିବା ପର୍ଯ୍ୟନ୍ତ ଏଭଳି ଆନ୍ଦୋଳନ ଜାରି ରହିବ ବୋଲି ଆନ୍ଦୋଳନକାରୀ ମାନେ ତହସିଲଦାରଙ୍କୁ ରୋକଠୋକ ଜଣାଇଦେଇଥିଲେ । ଅନ୍ୟପକ୍ଷରେ, ସମ୍ଭାବ୍ୟ ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ପୁଲିସ ପକ୍ଷରୁ ଆନ୍ଦୋଳନ ସ୍ଥଳରେ ଫତେଗଡ଼ ଥାନା,ଭାପୁର ଫାଣ୍ଡି ପୁଲିସ ସମେତ ୨ ସେକସନ୍ ଫୋର୍ସଙ୍କୁ ମୃତୟନ କରାଯାଇଛି ।
